I-click bisag asa aron moabli
  • Fundamentals of Catholic Dogma
    Ludwig Ott

    Ang Fundamentals of Catholic Dogma ni Ludwig Ott usa sa mga iladong reference books sa Dogmatic Theology sa Katolikong Simbahan. Kini naghatag og sistematikong pagpasabot sa mga doktrina sa Katolikong Pagtoo, uban ang paghisgot sa ilang Biblikal, Tradisyonal, historikal, ug teolohikal nga pundasyon.

    Dili lamang kini libro nga nagtudlo kung unsa ang gituohan sa Simbahan, kondili makatabang usab sa pagsabot nganong kini gitudlo ug unsa ang lebel sa doctrinal certainty sa matag pagtulon-an.

    Nganong bililhon man kini kanimo?

    Ang libro nagpresentar sa Catholic Dogma sa usa ka organisado ug scholarly nga pamaagi, nga mapuslanon alang sa pagtuon ug reference.

    Nagtan-aw kini sa mga doktrina pinaagi sa:

    Balaang Kasulatan
    Sagradong Tradisyon
    Mga desisyon sa Simbahan ug Ecumenical Councils
    Mga sinulat sa mga Amahan sa Simbahan
    Mga pagtulon-an sa mga theologians
    Philosophical ug theological reasoning

    Usa usab sa mga mapuslanong bahin niini mao ang paghatag og theological classifications aron masabtan kung ang usa ka pagtulon-an kay dogma, sententia certa, sententia fidei proxima, theological opinion, ug uban pa.

    Mga Katuyoan sa Libro

    Masabtan ang mga pundamental nga Dogma sa Katolikong Pagtoo.
    Masuta ang pundasyon sa matag doktrina gikan sa Kasulatan ug Tradisyon.
    Makatabang sa sistematikong pagtuon sa Dogmatic Theology.
    Mahimong reference sa mga pari, theologians, catechists ug Catholic apologists.
    Mahatagan ang educated lay Catholics og mas lawom ug scientific nga exposition sa ilang Pagtoo.
    Makatabang sa pagdepensa sa Katolikong doktrina batok sa sayop nga mga interpretasyon.

    Kinsa ang Angay Mobasa?

    Mga Pari ug seminarians
    Mga estudyante sa Theology
    Theology professors ug researchers
    Catholic apologists ug Faith Defenders
    Catechists ug Catholic teachers
    Mga layko nga seryoso sa pagtuon sa ilang Pagtoo
    Mga tawo nga gustong makasabot sa “unsa ug nganong” sa Catholic Dogma
    Pang-Advertisement nga Version

    GUSTO NIMO MASABTAN ANG KATOLIKONG DOGMA SA LAWOM UG SISTEMATIKONG PAAGI?

    FUNDAMENTALS OF CATHOLIC DOGMA ni Ludwig Ott usa ka komprehensibo nga reference sa Dogmatic Theology nga nagpresentar sa mga pagtulon-an sa Simbahang Katolika uban sa ilang pundasyon diha sa Balaang Kasulatan, Sagradong Tradisyon, kasaysayan, ug theological reasoning.

    Gikan sa mga kamatuoran mahitungod sa Dios, Santisima Trinidad, Paglalang, Cristo, Grasya, Sakramento, Simbahan, Maria, ug mga Katapusang Butang, kini nga libro naghatag og organisado ug scholarly nga paagi sa pagtuon sa Catholic Faith.

    Alang sa pari nga gustong mag-review.
    Alang sa seminarian nga gustong molalom.
    Alang sa apologist nga nangandam sa pagdepensa.
    Alang sa laykong gustong makasabut sa iyang Pagtoo.

    DILI LANG PAGHIBALO SA DOGMA—KUNDILI PAGSABOT SA PUNDASYON SA DOGMA.

    STUDY THE FAITH. UNDERSTAND THE DOGMA. DEFEND THE TRUTH.

0 comments:

Leave a Reply

Subscribe to: Post Comments (Atom)
Tulo ka hinungdanong pangutana nga dili nato matubag kon Biblia lamang ang atong saligan.

Una – Giunsa man nato paghibalo sa sakto nga ihap (canon) sa mga basahon sa Biblia? Sa wala pa himoa ang pagtapok sa mga basahon sa Bag-ong Tugon daghang mga basahon nga Kristohanon nga gipakaylap. Kinsa man ang nagpaila kanato sa 27 ka libro sa Bag-ong Tugon isip linamdagan? Walay lain kondili ang Simbahang Katoliko ubos sa paglamdag sa Espiritu Santo pinaagi sa Konsilyo sa Kartago sa tuig 397 AD human sa pag-aprobar sa Santo Papa mipakanaog sa mahukumon gayod ug alang sa tanang panahon kon unsang mga basahona ang maapil sa Biblia ug unsa ang dili. Ang unang mga sinulat dugay na nga nangahanaw. Ang ania kanato karon mao ang kopya sa kopya sa orihinal. Kinsa man ang nag-garantiya nga husto ug matinud-anon ang teksto sa kopya? Ang Simbahang Katoliko pinasikad sa iyang karaang Tradisyon, diha sa iyang panudlo ug sa iyang liturhiya masayod kon unsa ang matuod nga teksto ug unsa ang sayop.

Ikaduha - Giunsa man nato paghibalo nga sakto ang pagkahubad sanglit daghan kanato, ang atong gigamit nga Bibliang hubad “translation” gikan sa Hebreo, Griego, ug Aramaico? Aron pagpiho sa husto nga hubad sa atong kaugalingon kinahanglan pa nga magtuon kita sa orihinal nga pinulongan ug pipila man kanato ang makahimo niining malisod nga tahas? Sa makausa pa, kinahanglan nga mosandig kita sa autoridad sa Simbahan.

Ikatulo - Giunsa man nato pagsiguro nga husto ang atong pagsabot kun interpretasyon sa atong gibasa? Ang matag pastor nga tigtukod og bag-ong tinuhoan pulos gyod moangkon nga ang ilang sabot maoy husto apan wala silay panagkauyon kon unsa gyod ang gipasabot sa letra sa Kasulatan. Alang sa mga Katoliko ang dili masayop nga autoridad sa Simbahan nga tinukod ni Cristo ang maghatag kaniyag kasigurohan nga ang iyang nadawat mao ang lonsay nga pulong sa Dios nga walay sambog sa kasaypanan gumikan sa tawhanong panabot.
Ang Simbahan gihatagan ni Cristo sa bugtong katungod sa pagtudlo ug paghubad sa diosnong gipadayag nga nakarga sa Biblia nga mao ang diosnong gipadayag nga nasulat ug sa Tradisyon nga mao ang diosnong gipadayag nga wala na masulat ug nahipasa pinaagi sa binaba nga panudlo.

Ang Simbahan wala magkuha sa hingpit nga kasigurohan sa tanan nga gipadayag sa Dios gikan sa Biblia lamang kondili gikan sa duha ka tinubdan nga mao ang Biblia ug ang Tradisyon.

Ang Biblia ug ang Tradisyon angay nga hatagan sa samang pagtagad isip sudlanan sa pulong sa Dios. Ang katungod sa pagkadili-masayop sa pagpanudlo labot sa kinahanglan alang sa kaluwasan sa tawo wala isaad ni Cristo ngadto sa matag magbabasa sa Biblia kondili ngadto sa buhi nga autoridad sa Simbahan nga gitawag og “Magisterium” nga gilangkoban sa Sto. Papa ug sa tanang kaobispohan nga nahiusa sa Sto. Papa.
Ang Biblia naghisgot sa tulo ka matang sa tradisyon.

Una - sa mga Patriarca, “ug ang akong mga pulong nga gipasulti ko kaninyo, dili gayod mawala diha sa inyong baba ni sa baba sa inyong mga anak ug mga apo sukad karon ug hangtod sa kahangtoran” (Isa. 59:21).

Ikaduha - sa mga Apostoles, si San Pablo nag-awhag, “mga igsoon hupti ninyo nga malig-on ang mga pagtulon-an nga among gitudlo kaninyo pinaagi sa among mga sulat o sa among tradisyon” (2 Tes. 2:15) ug siya usab nagpahimangno, likayi ninyo kadtong dili modawat sa atong tradisyon” (2 Tes. 3:6).

Ikatulo - sa mga Judio, nga mao ang gisaway ni Cristo sa Mat. 15:2-6 tungod kay sila nagtudlo nga kon ang usa ka tawo may ikatabang unta sa iyang amahan o inahan, apan siya moingon, “iya kini sa Dios”, dili na kinahanglan nga tahoron niya ang iyang amahan.