I-click bisan asa aron mobukas
  • Layman's Biblical Theology and Apologetics Course
    Virtual Bookshelf

    LAYMAN’S BIBLICAL THEOLOGY AND APOLOGETICS COURSE

    CFD Manual — Catholic Faith Defenders

    Usa ka Praktikal nga Giya sa Pagtuon, Pagsabot, ug Pagpanalipod sa Katolikong Pagtoo

    Ang Layman’s Biblical Theology and Apologetics Course usa ka manual sa Catholic Faith Defenders (CFD) nga gihimo aron matabangan ang mga Katoliko nga mas masabtan ang ilang Pagtoo ug mahimong mas andam sa pagtubag sa mga pangutana, pagsupak, ug mga hagit batok sa Simbahang Katolika.

    Gipunting niini ang mga importanteng isyu nga kasagarang hisgutan sa Biblical ug Catholic apologetics, gamit ang Kasulatan, Tradisyon, ug pagtulon-an sa Simbahan isip pundasyon.

    20 KA IMPORTANTENG TOPIKO

    Lakip sa mga hilisgutan nga pagatun-an:

    Biblia ug Tradisyon
    Tinuod nga Iglesia
    Santisima Trinidad
    Pagka-Dios ni Cristo
    Immaculada Concepcion
    Kanunayng Ulay ni Maria
    Mga Larawan
    Pag-ampo sa mga Santos
    Purgaturyo
    Pagkapangulo ni Pedro
    Indulhensya
    Bunyag sa Bata
    Pagkompisal sa Pari
    Santos nga Eukaristiya
    Orden sa Pagkapari
    Santos nga Misa
    Adlaw nga Igpapahulay
    Kalan-on nga Gidili
    Krus ug Panguros
    Kaluwasan

    KINSA ANG ANGAY MOBASA?

    Kini nga manual angay alang sa:

    Mga Katolikong gustong molalom sa ilang Pagtoo
    Mga Catholic Faith Defenders ug apologists
    Mga catechist ug lay ministers
    Mga Bible study leaders
    Mga kabatan-onan ug hamtong nga estudyante sa Catholic Faith
    Mga parish volunteers ug faith-formation workers
    Mga magtutudlo sa Katolikong Pagtoo
    Mga Katolikong kanunayng mahagit sa ilang pagtuo
    Bisan kinsa nga gustong makat-on unsaon pagpasabot sa Catholic Faith gamit ang Biblia

    MGA KATUYOAN SA MANUAL

    Palig-onon ang Pagtoo.
    Aron ang Katoliko dili dali matarog kung makadungog og mga pangutana o pagsupak batok sa iyang pagtuo.

    Masabtan ang Biblia isip Katoliko.
    Aron makita ang relasyon sa Kasulatan ug Sagradong Tradisyon sulod sa pagtuo sa Simbahan.

    Makat-on sa Catholic Apologetics.
    Dili aron makig-away o makapildi sa uban, kondili aron makahatag og matinud-anon, matinahuron, ug makatarunganong tubag bahin sa Catholic Faith.

    Makaandam sa mga kasagarang pagsupak.
    Ang 20 ka topic nagtandog sa daghang doktrina nga kanunayng mahimong hisgutan o pangutan-on sa mga dili Katoliko.

    PARA SA MGA KATOLIKONG GUSTONG MAHIMONG ANDAM

    Ang usa ka Katoliko dili kinahanglan mahimong theologian aron makadepensa sa iyang Pagtoo.

    Apan kinahanglan siyang mahibalo unsay iyang gitoohan, nganong iyang gitoohan, ug unsaon niya kini pagpasabot.

    Kini ang tumong sa Layman’s Biblical Theology and Apologetics Course—himoon nga mas duol ug mas praktikal ang pagtuon sa Catholic Theology ug Apologetics alang sa ordinaryong Katoliko.

    HIBALOA ANG IMONG PAGTOO.
    SABTA ANG KASULATAN.
    DEPENSAHI ANG KAMATUORAN.
    BUHATA KINI UBAN SA GUGMA UG KAMATUORAN.

    LAYMAN’S BIBLICAL THEOLOGY AND APOLOGETICS COURSE
    CFD MANUAL — CATHOLIC FAITH DEFENDERS

    Usa ka praktikal nga manual alang sa Katolikong gustong masayod, makasabot, ug andam sa pagpanalipod sa iyang Pagtoo.

0 comments:

Leave a Reply

Subscribe to: Post Comments (Atom)
Tulo ka hinungdanong pangutana nga dili nato matubag kon Biblia lamang ang atong saligan.

Una – Giunsa man nato paghibalo sa sakto nga ihap (canon) sa mga basahon sa Biblia? Sa wala pa himoa ang pagtapok sa mga basahon sa Bag-ong Tugon daghang mga basahon nga Kristohanon nga gipakaylap. Kinsa man ang nagpaila kanato sa 27 ka libro sa Bag-ong Tugon isip linamdagan? Walay lain kondili ang Simbahang Katoliko ubos sa paglamdag sa Espiritu Santo pinaagi sa Konsilyo sa Kartago sa tuig 397 AD human sa pag-aprobar sa Santo Papa mipakanaog sa mahukumon gayod ug alang sa tanang panahon kon unsang mga basahona ang maapil sa Biblia ug unsa ang dili. Ang unang mga sinulat dugay na nga nangahanaw. Ang ania kanato karon mao ang kopya sa kopya sa orihinal. Kinsa man ang nag-garantiya nga husto ug matinud-anon ang teksto sa kopya? Ang Simbahang Katoliko pinasikad sa iyang karaang Tradisyon, diha sa iyang panudlo ug sa iyang liturhiya masayod kon unsa ang matuod nga teksto ug unsa ang sayop.

Ikaduha - Giunsa man nato paghibalo nga sakto ang pagkahubad sanglit daghan kanato, ang atong gigamit nga Bibliang hubad “translation” gikan sa Hebreo, Griego, ug Aramaico? Aron pagpiho sa husto nga hubad sa atong kaugalingon kinahanglan pa nga magtuon kita sa orihinal nga pinulongan ug pipila man kanato ang makahimo niining malisod nga tahas? Sa makausa pa, kinahanglan nga mosandig kita sa autoridad sa Simbahan.

Ikatulo - Giunsa man nato pagsiguro nga husto ang atong pagsabot kun interpretasyon sa atong gibasa? Ang matag pastor nga tigtukod og bag-ong tinuhoan pulos gyod moangkon nga ang ilang sabot maoy husto apan wala silay panagkauyon kon unsa gyod ang gipasabot sa letra sa Kasulatan. Alang sa mga Katoliko ang dili masayop nga autoridad sa Simbahan nga tinukod ni Cristo ang maghatag kaniyag kasigurohan nga ang iyang nadawat mao ang lonsay nga pulong sa Dios nga walay sambog sa kasaypanan gumikan sa tawhanong panabot.
Ang Simbahan gihatagan ni Cristo sa bugtong katungod sa pagtudlo ug paghubad sa diosnong gipadayag nga nakarga sa Biblia nga mao ang diosnong gipadayag nga nasulat ug sa Tradisyon nga mao ang diosnong gipadayag nga wala na masulat ug nahipasa pinaagi sa binaba nga panudlo.

Ang Simbahan wala magkuha sa hingpit nga kasigurohan sa tanan nga gipadayag sa Dios gikan sa Biblia lamang kondili gikan sa duha ka tinubdan nga mao ang Biblia ug ang Tradisyon.

Ang Biblia ug ang Tradisyon angay nga hatagan sa samang pagtagad isip sudlanan sa pulong sa Dios. Ang katungod sa pagkadili-masayop sa pagpanudlo labot sa kinahanglan alang sa kaluwasan sa tawo wala isaad ni Cristo ngadto sa matag magbabasa sa Biblia kondili ngadto sa buhi nga autoridad sa Simbahan nga gitawag og “Magisterium” nga gilangkoban sa Sto. Papa ug sa tanang kaobispohan nga nahiusa sa Sto. Papa.
Ang Biblia naghisgot sa tulo ka matang sa tradisyon.

Una - sa mga Patriarca, “ug ang akong mga pulong nga gipasulti ko kaninyo, dili gayod mawala diha sa inyong baba ni sa baba sa inyong mga anak ug mga apo sukad karon ug hangtod sa kahangtoran” (Isa. 59:21).

Ikaduha - sa mga Apostoles, si San Pablo nag-awhag, “mga igsoon hupti ninyo nga malig-on ang mga pagtulon-an nga among gitudlo kaninyo pinaagi sa among mga sulat o sa among tradisyon” (2 Tes. 2:15) ug siya usab nagpahimangno, likayi ninyo kadtong dili modawat sa atong tradisyon” (2 Tes. 3:6).

Ikatulo - sa mga Judio, nga mao ang gisaway ni Cristo sa Mat. 15:2-6 tungod kay sila nagtudlo nga kon ang usa ka tawo may ikatabang unta sa iyang amahan o inahan, apan siya moingon, “iya kini sa Dios”, dili na kinahanglan nga tahoron niya ang iyang amahan.