-
Sta. Maria, Immaculada Concepcion
Panudlo sa Simbahan:Ang Santa Iglesia Katolica nagtudlo nga si Maria nga inahan ni Jesus gipanamkon nga walay mansa sa salang panulondon ug nahigawas siya sa tanang epekto niini. Nga sukad sa unang gutlo sa iyang kinabuhi gipuno nang daan sa Dios ang iyang kalag sa grasya ug wala gayoy bisan usa ka higayon nga si Maria nailawom sa gahom sa yawa.Ang Simbahan nagtudlo usab nga kining pinasahi nga pribilihiyo nga nadawat ni Sta. Maria iya kining nadawat dili tungod sa bisan unsang merito sa iyang bahin kondili gasa kini sa Dios ug tungod kini sa merito ni Cristo.¹Mga Pagsupak:Supak 1.Dili matood ang gitudlo sa Katoliko nga si Maria walay buling sa sala kay “Nahasulat na, walay usa nga matarong” (Rom. 3:10). “Ang tanan nakasala ug nahilayo sa Dios” (Rom. 3:23). Busa kining maong balaod naglakip gayod ni Maria.Supak 2.Nalipay si Maria sa pag-abot sa Manluluwas, “Nalipay ang akong kalag tungod sa Dios nga akong Manluluwas” (Luc. 1:47), nagpasabot nga duna siyay sala kay miila man og Manunubos.Supak 3.“Busa mikaylap ang kamatayon ngadto sa tanang kataw- han kay nakasala man ang tanang tawo” (Rom. 5:12). Tungod kay si Maria naapektuhan man sa kamatayon busa siya dunay sala.Tubag:Maingon nga babaye ang mipasiuna sa pagkahulog sa tawo, diha sa pagluwas sa tawo babaye usab ang gipasiuna sa Dios. Didto sa paraiso ang Dios namulong, “Ibutang ko ang panag-away taliwala kanimo (sa yawa) ug sa babaye ug taliwala sa imong kaliwat ug sa kaliwat niadto; siya magadugmok sa imong ulo ug ikaw magapahi- pi sa iyang kiting” (Gen. 3:15).Kining maong babaye mao si Maria kansang binhi nga mao si Cristo maoy mobuntog sa yawa. Ug giingon sa Dios nga iyang ipahigayon ang panag-away tali sa babaye ug sa bitin busa dili mahitabo nga si Maria mailawom sa gahom sa yawa.Pag-abot sa hustong panahon, “gipadala sa Dios ang iyang Anak. Mianhi siya ingon nga anak sa tawhanong inahan” (Gal. 4:4) unya ang anghel nga si Gabriel miingon, “Maghimaya ka puno sa grasya, ang Ginoo uban kanimo, bulahan ka diha sa kababayen-an” (Luc. 1:28).Ang anghel midayeg sa katahom sa kalag ni Maria nga iya karon nga gisud-ong, masanag pa sa adlaw, maanindot pa sa bulan, ug putli pa sa mga anghel, ang bugtong nahigawas sa balaod general nga “ang tanan nakasala” (Rom. 3:23).Kining pagkapuno ni Maria sa grasya maoy nakapahigawas kaniya sa sala kay ang Dios man lamang ang tuburan sa pagka-absoluto nga puno sa grasya (Jn. 1:14).Tungod kay si Sta. Maria mao man ang gipili sa Dios nga mahimong inahan sa Emmanuel busa gipahigawas siya sa tanang mansa sa sala.Giingon sa basahon sa Kaalam nga, “ang kaalam dili mopuyo sa lawas nga mahugaw o sa kalag nga ulipon sa sala” (Kin. 1:4) ug kining kaalam mao si Cristo, “si Cristo mao ang gahom ug ang kaalam sa Dios” (1 Cor. 1:24) ug si Cristo mipuyo diha ni Maria sa linawas gayod busa si Maria putli ug walay buling sa sala.Sibo gayod sa plano sa Dios nga kon duna siyay pilion alang sa usa ka hinungdanon nga tahas, ang Dios mohatag usab kaniya sa igong grasya aron pagtuman niini.•Mao nga sa pagtawag sa Dios kang Moises ang Dios miingon, “Lakaw kay tabangan ko ikaw pagsulti, ug tudloan ko ikaw sa imong isulti” (Exo. 4:12).• Sa pagtawag sa Dios kang Jeremias ang Dios miingon, “Sa wala pa ikaw matawo, gibalaan ko na ikaw tungod kay gipili ko ikaw nga mahimong propeta alang sa akong katawhan” (Jer. 1:5).• Si San Juan Bautista “napuno sa Espiritu Santo sukad sa iyang pagkahimugso” (Luc. 1:15) ug “sama sa suga nga nagsiga” (Jn. 5:35) kay siya gipili nga maoy moandam sa dalan sa Ginoo.• Ang mga Apostoles nga gitahasan sa pagwali sa Ebanghelyo “na- puno sa Espiritu Santo ug nakadawat sa daghang mga gasa” (Buh. 2:4).Karon, sa tanan nga misalmot sa atong kaluwasan walay makatu- pong sa kabalaanon ug kahinungdanon sa papel sa Inahan ni Jesus. Kon gibalaan sa Dios ang iyang mga propeta ug mga Apostoles tungod kay sila maoy magdala sa pulong sa kinabuhi, unsa na kaha si Maria nga maoy gisudlan sa “Tinubdan sa Kinabuhi” (Buh. 3:15). Ug ang anghel mipadayon sa pag-ingon, “Mokunsad kanimo ang Espiritu Santo, ug magpabilin ang gahom sa Dios diha kanimo. Tungod niini, ang balaan nga bata tawgon nga Anak sa Dios” (Luc. 1:35).Angay natong hinumdoman nga kadtong mga butang nga maduol sa Dios matakdan sa iyang kabalaan. Dihang nagpakita ang Dios kang Moises pinaagi sa nagdilaab nga sampinit ang Dios miingon, “Ayaw pagdool, huboa ang imong sandalyas kay balaan ang dapit nga imong gibarogan” (Exo. 3:5). Ug ang nahimutangan sa Sudlanan sa Kasabutan gitawag og “Labing Balaang Dapit” (Exo. 26:34) tungod kay gilandongan man kini kanunay sa mahimayaon nga presensya sa Dios (1 Sam. 4:4).Kon nahimong balaan ang dapit diin ang Dios mipadayag ngadto ni Moises ug kon gitawag og Labing Balaan nga Dapit ang gibutangan sa Sudlanan sa Kasabutan, unsa na kaha kabalaan ang nahitabo kang Sta. Maria nga nahimong puloy-anan sa Espiritu Santo ug sudlanan sa Dios sa Arka?Si San Athanasius namalandong, “maingon nga dili nato matugkad ang kabalaan sa Dios, dili usab nato matugkad ang kabalaan sa nahimong inahan sa Dios.”² Si Sta. Maria putli ug walay buling sa sala sumala sa gipahayag sa Espiritu Santo diha sa Kasulatan. “Pag- katahom mo, hinigugma ko, walay buling diha kanimo” (Awit 4:7).Kining mga pulonga matod pa ni San Ildephonsus ug Santo Tomas de Aquino³ pagasabton nga mahitungod kang Maria. “Ang akong hinigugmang asawa maoy usa ka tinagoang tanaman nga pinarilan, ug usa ka tubod nga ako ray tag-iya” (Awit 4:12).Si San Sophronius miingon nga si Maria mao kining tanaman ug tubod diin wala gayoy bisan unsang dautan nga makasulod kinsa kanunay nga putli diha sa hunahuna ug sa kalag.⁴ “Bugtong siyang anak ug maoy pinangga sa iyang inahan. Mitan-aw kaniya ang tanang babaye ug misangyaw nga siya mao ang labing bulahan” (Awit 6:9).Ang katumanan niini mao si Maria. Si Isabel nga napuno sa Espiritu Santo miingon kang Maria, “Bulahan ka diha sa mga kababayen-an ug bulahan man ang bunga sa imong tiyan” (Luc. 1:42). Si Maria mitagna, “Ug sukad karon ang tanang kaliwatan motawag kanakog bulahan” (Luc. 1:48). Ang gisulti ni Maria dili lang nga kita maghisgot nga siya bulahan kondili siya gayod mismo ang atong tawgog bulahan. Busa kon dili man kita kapuyan sa pagbinalikbalik og sangpit ni Maria nga bulahan kini agig katumanan lamang sa gipahibalo ni Sta. Maria.Si St. Alphonsus Liguori miingon, “De Maria numquam satis” nga dili gayod kita makapasidungog ni Maria sa sigo gayod sama sa pagpasidungog sa Dios kaniya pinaagi sa pagpili kaniya nga mahi- mong iyang Inahan.⁵Si Sta. Maria kinahanglan nga ipahigawas sa Dios gikan sa sala tungod kay mao kini ang gipangayo sa pagpanubos. “ug walay sala nga gipasaylo gawas kon giulaan kinig dugo” (Heb. 9:22). Ug ang gigamit ni Cristo sa pagtubos kanato mao ang iyang kaugalingong dugo “kay giluwas man kamo sa bililhong dugo ni Cristo” (1 Ped. 1:19) ug kadtong maong dugo nga iyang gigamit sa pagluwas kanato gikan ni Maria “Sanglit ang mga anak nakaambit man sa unod ug dugo sa mga ginikanan, si Jesus usab nahimong sama kanila aron paglaglag sa Yawa nga may gahom sa pagpatay” (Heb. 2:14). Ug ang Kasulatan nag-ingon, “Walay butang limpiyo nga mapaabot gikan sa ingon ka dili limpiyo nga tawo” (Job. 14:4). Busa kay ang dugo ni Cristo nga nakahugas sa atong mga sala putli, nan si Sta. Maria nga gigikanan sa maong dugo putli usab.Mga Tubag:Tubag 1.Ang giingon nga “ang tanan nakasala” ug “walay usa nga matarong” gitawag kini og balaod general o balaod kinatibuk-an ug sa matag balaod general dunay gyoy pipila nga mahigawas ug si Sta. Maria gipahigawas sa Dios gikan niini tungod sa dakong katarungan nga siya gipili aron mahimong inahan sa bugtong Anak sa Dios nga magpakatawo aron sa pagtubos kanato.Tungod niini si Sta. Maria adunay suod nga kadugtongan sa Dios nga mas labaw sa bisan unsang binuhat ug busa siya nakadawat usab sa naghingapin nga grasya nga labaw kay sa nadawat ni bisan kinsa.Tubag 2.Si Sta. Maria giluwas dili kay nataptan na siya sa sala nga gitawag og 'redemptio restaurativa’ sama sa giingon ni San Pablo, “Apan salamat sa Dios nga kamong naulipon kaniadto sa sala, naulipon na karon sa mga pagtulon-an nga nadawat ninyo. Giluwas kamo gikan sa sala ug nangahimo nang mga ulipon sa pagkamatarong” (Rom. 6:17-18)kondili pinaagi sa pagsagang kaniya nang daan aron dili siya hitaptan sa sala nga gitawag og ‘redemptio preventiva’ sama sa giingon ni San Pablo, “Busa gitawag sa Dios kadtong iya nang gilain; wala lamang niya tawga sila kondili gihimo usab niyang matarong ug gipaambit sa iyang himaya” (Rom. 8:30).Tubag 3.Sa pagsanong ni Sta. Maria nga mahimong Inahan sa Manunubos nga maoy nag-abli sa iyang kasingkasing sa labing dako nga gugma gitahan usab niya ang iyang kaugalingon sa labing bug-at nga mga pag-antos.Ang propesiya ni Simeon natuman diha kaniya, “Ug ang kaguol sama sa usa ka hait nga espada molagbas sa imong kaugalingong kasingkasing” (Luc. 2:35).Kabubut-on sa Dios nga si Maria maghulagway gayod ni Jesus sa tanang butang busa maingon nga si Jesus niagi sa kamatayon si Maria usab miagi niini.Ang kamatayon ni Maria dili sabton nga siya dunay sala kondili usa kadto ka maduyogon nga sakripisyo sa pag-antos sa iyang anak nga si Jesus.PanaposAng pagtulon-an sa Simbahang Katoliko mahitungod sa Immaculate Conception (Walay Buling nga Pagpanamkon) dili usa ka pagsulay sa paghatag kang Maria og dungog nga labaw pa sa angay kaniya, kondili usa ka pagpamatuod sa kahalangdon sa buhat sa Dios diha sa Iyang plano sa kaluwasan. Gipili sa Dios si Maria aron mahimong Inahan sa Iyang Anak nga si Jesus Cristo; busa angayan nga pinaagi sa talagsaong grasya, siya gipreserbar gikan sa sala sukad pa sa unang gutlo sa iyang pagpanamkon.Ang Immaculate Conception ni Maria wala magpasabot nga wala siya magkinahanglan og Manluluwas. Hinuon, nagpasabot kini nga si Cristo mao gihapon ang iyang Manluluwas, apan ang grasya sa pagtubos ni Cristo gipadapat kaniya sa labing hingpit nga paagi—dili pinaagi sa paghinlo kaniya human siya mahugawi sa sala, kondili pinaagi sa pagpreserbar kaniya aron dili gayod siya mahugawan niini. Mao kini ang gitawag nga preventive redemption, o redemptio praeventiva.Kining tanan wala nagtudlo kang Maria isip tinubdan sa grasya, kondili nagtudlo kang Cristo, nga mao ang tinubdan sa tanang grasya. Ang katahom ni Maria naggikan sa Dios; ang iyang kaputli bunga sa grasya sa Dios; ug ang iyang pagkadungganon isip Inahan sa Dios resulta sa talagsaong tahas nga gitugyan sa Dios kaniya diha sa Iyang plano sa kaluwasan.Busa, ang Immaculate Conception usa ka dakong pagpamatuod sa gahom ug gugma sa Dios. Ang Dios nga makahimo sa pagpreserbar kang Maria gikan sa sala mao usab ang Dios nga nagtawag kanato ngadto sa pagkabalaan. Sa pagtan-aw kang Maria, atong makita kung unsa ka matahom ang usa ka tawo nga hingpit nga mitugyan sa iyang kaugalingon ngadto sa grasya ug kabubut-on sa Dios.Si Maria dili kapuli ni Cristo, ug dili usab siya atong Manluluwas. Si Cristo lamang ang Manluluwas. Apan si Maria mao ang Inahan nga gipili sa Dios aron makigtambayayong sa talagsaong paagi diha sa buhat sa kaluwasan. Tungod niini, ang iyang kinabuhi nahimong ehemplo sa hingpit nga pagtuman, pagtoo, kaputli, ug pagpaubos.Busa, sa atong pagtawag kang Maria nga “Immaculate Conception,” atong gidayeg dili lamang ang iyang kaputli, kondili labaw sa tanan ang grasya sa Dios nga nagbuhat niini diha kaniya. Ug uban kang Maria, atong ikasulti:“Ang akong kalag naghimaya sa Ginoo, ug ang akong espiritu nagmaya diha sa Dios nga akong Manluluwas.”(Lucas 1:46–47)Si Maria usa ka buhing pamatuod nga ang grasya sa Dios makahimo sa usa ka binuhat nga matahom sa Iyang atubangan. Ang iyang panaw nagpahinumdom kanato nga ang calling sa matag Kristohanon mao ang pagtugyan sa kaugalingon ngadto sa Dios, pagtalikod sa sala, ug pagpabilin diha sa Iyang grasya hangtod sa kahangturan.PamalandongAng Immaculate Conception nagdapit kanato sa pagtan-aw lapas pa kang Maria mismo ug sa pagpamalandong sa kahalangdon sa grasya sa Dios. Gipreserbar si Maria gikan sa sala nga panulondon sukad pa sa unang gutlo sa iyang paglungtad, dili tungod kay iyang naangkon kini nga pribilehiyo pinaagi sa iyang kaugalingong mga merito, kondili tungod kay gawasnon kining gihatag sa Dios kaniya pinaagi sa mga merito ni Jesus Cristo.Kini nga misteryo nagpahinumdom kanato nga ang kaluwasan kanunay nga nagagikan sa inisyatibo sa Dios. Si Maria wala mahimulag kang Cristo; hinuon, giluwas siya ni Cristo sa labing hingpit nga paagi. Samtang kita kasagarang giluwas gikan sa sala human kita mahulog niini, si Maria gipreserbar aron dili mahulog ngadto sa sala sukad pa sa sinugdan. Busa, ang Immaculate Conception ni Maria dili nagpakita og limitasyon sa gahom ni Cristo sa pagluwas, kondili nagpakita sa kahingpitan sa Iyang gahom sa pagluwas.Sa atong pagpamalandong kang Maria isip Immaculate Conception, makita usab nato kung unsa unta ang kahimtang sa tawo sumala sa orihinal nga katuyoan sa Dios. Ang sala nagdaot sa larawan sa Dios diha kanato, apan ang grasya nagpasig-uli ug naghingpit niini. Gipakita ni Maria kanato kung unsa ang usa ka tawo nga ang kasingkasing hingpit nga bukas ngadto sa Dios. Ang iyang kinabuhi wala nasentro sa iyang kaugalingon, kondili sa kabubut-on sa Dios. Ang iyang tubag, “Ania ako, ulipon sa Ginoo” (Lucas 1:38), mao ang disposisyon nga angay usab makita sa matag Kristohanon.Ang kaputli ni Maria wala magpasabot nga ang iyang kinabuhi walay pag-antos. Sa sukwahi, ang iyang pagkasuod kang Cristo nagdala kaniya ngadto sa lawom nga pakig-ambit sa Iyang pag-antos. Gitagna ni Simeon nga usa ka espada ang molagbas sa iyang kasingkasing (Lucas 2:35). Matinud-anon siyang mitindog tupad sa iyang Anak bisan hangtod sa tiilan sa Krus. Busa, ang Immaculate Conception nagtudlo kanato nga ang pagkabalaan wala magpasabot nga makalikay kita sa pag-antos. Ang tinuod nga pagkabalaan mao ang pagpabiling matinud-anon sa Dios bisan taliwala sa pag-antos.Ang Immaculate Conception naghagit usab kanato sa pagsusi sa atong kaugalingong relasyon ngadto sa sala. Usahay, atong tan-awon ang sala nga daw gamay lamang nga butang, usa ka butang nga mahimong pasagdan o pakamatarungon. Si Maria nagpahinumdom kanato sa katahom sa usa ka kasingkasing nga hingpit nga iya sa Dios. Ang iyang kinabuhi nagdapit kanato nga seryosohon ang tawag ngadto sa pagkabalaan, isalikway ang sala, mangayo og kapasayloan kon kita mapandol, ug makigtambayayong sa grasya sa Dios matag adlaw.Si Maria nagtudlo usab kanato sa pagpaubos. Bisan gipili siya aron mahimong Inahan sa Anak sa Dios, wala siya manghambog tungod sa iyang pribilehiyo. Hinuon, mipahayag siya:“Ang akong kalag naghimaya sa Ginoo, ug ang akong espiritu nagmaya diha sa Dios nga akong Manluluwas.”(Lucas 1:46–47)Nasabtan niya nga ang tanan niyang nadawat naggikan sa Dios. Ang iyang pagkadungganon dili gayod mabulag sa iyang pagpaubos.Busa, ang Immaculate Conception naghatag kanato og paglaom. Si Maria dili lamang usa ka talagsaong tawo gikan sa nangagi. Siya usa ka pahinumdom kung unsa ang mahimo sa grasya sa Dios diha sa kinabuhi sa usa ka tawo. Kon giandam sa Dios si Maria alang sa iyang talagsaong misyon, makahatag usab Siya kanato sa grasya nga atong gikinahanglan aron matuman ang misyon nga Iyang gitugyan kanato.Tingali wala kita mapreserbar gikan sa sala nga panulondon sama kang Maria, apan pinaagi sa Bunyag ug sa kinabuhi sa mga Sakramento sa Simbahan, gitawag kita sa pagpuyo diha sa grasya sa Dios. Kon kita mahulog, gitawag kita ni Cristo nga mobalik ngadto Kaniya. Kon kita maluya, Iyang lig-onon kita. Kon kita matintal, igo ang Iyang grasya alang kanato.Ang Immaculate Conception ni Maria sa katapusan nagtudlo kanato ngadto kang Jesus Cristo. Kon mas masabtan nato ang pribilehiyo nga gihatag kang Maria, mas klaro usab nato nga makita ang kahalangdon sa Manluluwas kansang grasya maoy naghimo niini nga posible.Busa, samtang atong gipamalandongan si Maria, ang Immaculate Conception, mahimo nato nga pangutan-on ang atong kaugalingon:Gitugotan ba nako ang grasya sa Dios nga magbag-o sa akong kinabuhi?Seryoso ba nako nga gitan-aw ang sala, o naanad na ba ako niini?Kon mangayo ang Dios kanako og usa ka butang nga lisod, motubag ba ako sama kang Maria: “Matuman unta kanako sumala sa imong pulong”?Ug sa katapusan:Gitugotan ba nako si Maria nga manguna kanako ngadto kang Jesus?Ang tibuok kinabuhi ni Maria nagtudlo lapas sa iyang kaugalingon ngadto sa iyang Anak. Ang iyang Immaculate Conception usa ka selebrasyon sa grasya sa Dios, ang iyang pagtuman usa ka ehemplo sa pagtoo, ug ang iyang paglahutay usa ka pagdapit kanato nga magpabiling matinud-anon.Busa, makat-on kita kang Maria sa pagsulti og “oo” ngadto sa Dios, sa pagmahal ug pag-amping sa Iyang grasya, sa pagsalikway sa sala, ug sa pagpabiling matinud-anon kang Cristo hangtod sa katapusan.Pag-ampo kang Maria, ang Immaculate ConceptionSa ngalan sa Amahan, ug sa Anak, ug sa Espiritu Santo. Amen.Langitnong Amahan,among gidayeg ug gipasalamatan Ikaw tungod sa kahibulongang grasya nga Imong gihatag ngadto sa Mahal nga Birheng Maria. Sukad sa unang gutlo sa iyang pagpanamkon, Imong gipreserbar siya gikan sa tanang mansa sa sala nga panulondon ug gipuno siya sa Imong grasya, aron maandam siya nga mahimong Inahan sa Imong hinigugmang Anak nga si Jesus Cristo.Amahan, among giila nga kining pribilehiyo wala gihatag tungod sa kaugalingong merito ni Maria, kondili tungod sa Imong walay kinutoban nga gugma ug pinaagi sa makaluwas nga mga merito ni Jesus Cristo. Hinaut nga ang Immaculate Conception kanunay magdala kanamo ngadto sa mas lawom nga pagsabot sa kahalangdon ni Cristo, nga mao ang among bugtong Manluluwas ug Manunubos.Bulahang Birheng Maria, Inahan nga Immaculada,ikaw nga gipreserbar gikan sa sala ug nagpabiling matinud-anon sa Dios sa tibuok nimong kinabuhi, tudlui kami sa paghigugma sa Dios uban sa dili mabahin nga kasingkasing. Tabangi kami nga mailhan ang pagkadaotan sa sala ug ang katahom sa grasya sa Dios.Kon matintal kami, lig-ona kami.Kon mahulog kami, dad-a kami pagbalik ngadto sa imong Anak.Kon maluya kami, pahinumdumi kami sa pagsalig sa kalooy sa Dios.Kon mahadlok kami, tudlui kami sa pagsulti uban kanimo, “Matuman unta kanako sumala sa imong pulong.”Santa Maria, tudlui kami sa pagpaubos. Gipili ka aron mahimong Inahan sa Dios, apan nagpabilin ka nga mapainubsanon nga ulipon sa Ginoo. Tabangi kami nga masabtan nga ang matag grasya ug panalangin nga among nadawat naggikan sa Dios.Tudlui usab kami nga magpabiling matinud-anon taliwala sa pag-antos. Sama sa imong kasingkasing nga gilagbas sa kasakit sa tiilan sa Krus, tabangi kami nga magpabiling tupad kang Jesus bisan kon mahimong lisod ang pagsunod Kaniya.Ginoong Jesus Cristo,pinaagi sa mga pag-ampo sa Imong Immaculada nga Inahan, preserbaron kami gikan sa sala, lig-ona kami diha sa mga tentasyon, ug tabangi kami nga padayon nga motubo sa pagkabalaan. Hinaut nga dili gayod namo kalimtan nga Ikaw lamang ang among Manluluwas ug nga ang matag grasya nga among nadawat nag-agay gikan sa Imong walay kinutoban nga kalooy.Hinaut nga ang ehemplo ni Maria magdasig kanamo sa hingpit nga pagtugyan sa among kaugalingon ngadto sa kabubut-on sa Dios, sa pag-amping sa gasa sa grasya, sa pagsalikway sa sala, ug sa paglahutay diha sa pagtoo hangtod sa katapusan sa among kinabuhi.Santa Maria, Immaculate Conception, ampo alang kanamo.Inahan sa Dios, dad-a kami palapít kang Jesus.Tabangi kami nga magkinabuhi nga matinud-anon,magmahal nga sinsero,mag-alagad nga mapainubsanon,ug magpabilin diha sa grasya sa Dios hangtod sa takna sa among kamatayon.Ug sa dihang matapos na ang among panaw dinhi sa yuta, hinaut nga pinaagi sa kalooy sa Dios ug sa mga merito ni Jesus Cristo, makaambit kami uban kanimo sa walay kataposang himaya sa Langit.Among gihangyo kining tanan pinaagi kang Cristo nga among Ginoo.Sa ngalan sa Amahan, ug sa Anak, ug sa Espiritu Santo. Amen._____________________________________1 CCC 490-4922 Homily on the Papyrus of Turin, San Athanasius; The World's First Love, Abp. Fulton J.Sheen, 45-503 De Virginitate Perpetua Sanctae Mariae Adversus Tres Infideles, Patrologia Latina, Ed. byJacques-Paul Migne, Vol. 96, Col. 58-60;Summa Theologiae, Tertia Pars, Q. 64, Art. 2, Reply to Obj. 34 Oratio II: In Sanctissimae Deiparae Annuntiationem, Patrologia Graeca, Ed. byJacques-Paul Migne, Vol. 87, Part 3, Col. 3240-3245
6 comments:
-
Titanium Edc: a keystone in the gaming industry - Etc.
This book gives you an used ford edge titanium idea of the different features that make titanium knee replacement the design of the new edition the gaming titanium element wheel so titanium welder unique. In this titanium trimmer as seen on tv book,
-
helpful site dog dildo,sex chair,love dolls,sex toys,horse dildo,wholesale sex toys,custom sex doll,custom sex doll,horse dildo dig this
Subscribe to:
Post Comments (Atom)






<3