I-click bisag asa aron moabli
  • The Catechism Explained
    An Exhaustive Explanation of the Catholic Faith
    Fr. Francis Spirago
    Edited by Fr. Richard Clarke, S.J. · TAN Books

    Ang The Catechism Explained usa ka komprehensibo nga giya sa pagtuon ug pagsabot sa Katolikong Pagtoo. Dili lamang niini isulti kung unsa ang gitudlo sa Simbahan, kondili ipasabut usab nganong mao kini ang gitudlo ug unsaon kini pagkinabuhi.

    Gipresentar niini ang mga pagtulon-an sa Simbahan mahitungod sa Pagtoo, Moralidad, mga Sakramento, Balaang Misa, Pag-ampo, ug Kristohanong Kinabuhi, uban sa daghang suporta gikan sa Balaang Kasulatan, mga Amahan sa Simbahan, ug mga Santos ug Doctors of the Church.

    Unsa ang Makapahimo Niini nga Bililhon?

    Lawom apan sayon sabton — gihubad ngadto sa klaro ug praktikal nga mga pagpasabot ang mga doktrina sa Simbahan.

    Komprehensibo — naglangkob sa dakong bahin sa Katolikong doktrina, moralidad, ug espirituhanong kinabuhi.

    Biblikal ug Tradisyonal — naggamit sa Kasulatan ug mga pagtulon-an sa karaang mga Amahan ug Teachers sa Simbahan.

    Praktikal — nagpakita kung unsaon pag-aplikar sa Katolikong pagtulon-an sa adlaw-adlaw nga kinabuhi.

    Maayong reference book — mapuslanon sa pag-andam og leksyon, catechesis, talks, homily, ug Catholic apologetics.

    Kinsa ang Angay Mobasa?
    Kini nga libro angay alang sa:

    Mga Katoliko nga gustong molalom sa ilang pagtoo
    Catechists ug teachers
    Pari, deacons ug religious
    Mga ginikanan nga gustong motudlo sa pagtoo ngadto sa ilang mga anak
    RCIA / converts nga gustong makasabut sa Katolikong Pagtoo
    Catholic Faith Defenders ug apologetics researchers
    Mga estudyante sa Theology ug Religious Studies
    Bisan kinsa nga gustong makahibalo unsa gyod ang gitudlo sa Simbahang Katolika ug nganong kini iyang gitudlo

    Mga Katuyoan sa Libro
    The Catechism Explained gituyo aron:

    Makatabang sa magbabasa nga dili lamang makaila sa Katolikong Pagtoo, kondili makasabut, mahigugma, mabuhi, ug makadepensa niini.

    Kini usa ka maayong libro alang sa tawo nga dili kontento sa “Mao man na ang gitudlo sa Simbahan,” apan mangutana:

    “Ngano man nga mao kini ang gitudlo sa Simbahan?”

    Tulo ka Dakong Bahin sa Pagtuon

    1. PAGTOO — Unsa ang Atong Gituohan?
    Pagtuon sa Creed, Dios, Santisima Trinidad, Cristo, Simbahan ug uban pang kamatuoran sa Katolikong Pagtoo.

    2. MORALIDAD — Unsaon Nato Pagkinabuhi?
    Mga Sugo sa Dios, mga hiyas, sala, grasya, konsensya ug Kristohanong pagkinabuhi.

    3. MGA PAAGI SA GRASYA — Giunsa Kita Pagpalig-on sa Dios?
    Mga Sakramento, Santos nga Misa, Pag-ampo ug uban pang pamaagi sa pagkinabuhi isip tinuod nga Kristohanon.

    DILI LANG PAGHIBALO SA PAGTOO—KUNDILI PAGSABOT SA PAGTOO.

    The Catechism Explained ni Fr. Francis Spirago usa ka lawom ug komprehensibo nga pagpasabot sa Katolikong Pagtoo. Gikan sa Creed ug mga Sugo sa Dios ngadto sa mga Sakramento, Balaang Misa, Pag-ampo ug Kristohanong kinabuhi, kini nga libro motabang kanimo nga masabtan ang unsa, ngano, ug unsaon pagkinabuhi sa gitudlo sa Simbahang Katolika.

    Alang sa Katoliko nga gustong molalom.
    Alang sa Catechist nga gustong motudlo.
    Alang sa Apologist nga gustong makadepensa.
    Alang sa matag magtutuo nga gustong mas makaila sa iyang Pagtoo.

    HIBALOA ANG PAGTOO. SABTA ANG PAGTOO. AMOMAHA ANG PAGTOO. BUHI-A ANG PAGTOO.

0 comments:

Leave a Reply

Subscribe to: Post Comments (Atom)
Tulo ka hinungdanong pangutana nga dili nato matubag kon Biblia lamang ang atong saligan.

Una – Giunsa man nato paghibalo sa sakto nga ihap (canon) sa mga basahon sa Biblia? Sa wala pa himoa ang pagtapok sa mga basahon sa Bag-ong Tugon daghang mga basahon nga Kristohanon nga gipakaylap. Kinsa man ang nagpaila kanato sa 27 ka libro sa Bag-ong Tugon isip linamdagan? Walay lain kondili ang Simbahang Katoliko ubos sa paglamdag sa Espiritu Santo pinaagi sa Konsilyo sa Kartago sa tuig 397 AD human sa pag-aprobar sa Santo Papa mipakanaog sa mahukumon gayod ug alang sa tanang panahon kon unsang mga basahona ang maapil sa Biblia ug unsa ang dili. Ang unang mga sinulat dugay na nga nangahanaw. Ang ania kanato karon mao ang kopya sa kopya sa orihinal. Kinsa man ang nag-garantiya nga husto ug matinud-anon ang teksto sa kopya? Ang Simbahang Katoliko pinasikad sa iyang karaang Tradisyon, diha sa iyang panudlo ug sa iyang liturhiya masayod kon unsa ang matuod nga teksto ug unsa ang sayop.

Ikaduha - Giunsa man nato paghibalo nga sakto ang pagkahubad sanglit daghan kanato, ang atong gigamit nga Bibliang hubad “translation” gikan sa Hebreo, Griego, ug Aramaico? Aron pagpiho sa husto nga hubad sa atong kaugalingon kinahanglan pa nga magtuon kita sa orihinal nga pinulongan ug pipila man kanato ang makahimo niining malisod nga tahas? Sa makausa pa, kinahanglan nga mosandig kita sa autoridad sa Simbahan.

Ikatulo - Giunsa man nato pagsiguro nga husto ang atong pagsabot kun interpretasyon sa atong gibasa? Ang matag pastor nga tigtukod og bag-ong tinuhoan pulos gyod moangkon nga ang ilang sabot maoy husto apan wala silay panagkauyon kon unsa gyod ang gipasabot sa letra sa Kasulatan. Alang sa mga Katoliko ang dili masayop nga autoridad sa Simbahan nga tinukod ni Cristo ang maghatag kaniyag kasigurohan nga ang iyang nadawat mao ang lonsay nga pulong sa Dios nga walay sambog sa kasaypanan gumikan sa tawhanong panabot.
Ang Simbahan gihatagan ni Cristo sa bugtong katungod sa pagtudlo ug paghubad sa diosnong gipadayag nga nakarga sa Biblia nga mao ang diosnong gipadayag nga nasulat ug sa Tradisyon nga mao ang diosnong gipadayag nga wala na masulat ug nahipasa pinaagi sa binaba nga panudlo.

Ang Simbahan wala magkuha sa hingpit nga kasigurohan sa tanan nga gipadayag sa Dios gikan sa Biblia lamang kondili gikan sa duha ka tinubdan nga mao ang Biblia ug ang Tradisyon.

Ang Biblia ug ang Tradisyon angay nga hatagan sa samang pagtagad isip sudlanan sa pulong sa Dios. Ang katungod sa pagkadili-masayop sa pagpanudlo labot sa kinahanglan alang sa kaluwasan sa tawo wala isaad ni Cristo ngadto sa matag magbabasa sa Biblia kondili ngadto sa buhi nga autoridad sa Simbahan nga gitawag og “Magisterium” nga gilangkoban sa Sto. Papa ug sa tanang kaobispohan nga nahiusa sa Sto. Papa.
Ang Biblia naghisgot sa tulo ka matang sa tradisyon.

Una - sa mga Patriarca, “ug ang akong mga pulong nga gipasulti ko kaninyo, dili gayod mawala diha sa inyong baba ni sa baba sa inyong mga anak ug mga apo sukad karon ug hangtod sa kahangtoran” (Isa. 59:21).

Ikaduha - sa mga Apostoles, si San Pablo nag-awhag, “mga igsoon hupti ninyo nga malig-on ang mga pagtulon-an nga among gitudlo kaninyo pinaagi sa among mga sulat o sa among tradisyon” (2 Tes. 2:15) ug siya usab nagpahimangno, likayi ninyo kadtong dili modawat sa atong tradisyon” (2 Tes. 3:6).

Ikatulo - sa mga Judio, nga mao ang gisaway ni Cristo sa Mat. 15:2-6 tungod kay sila nagtudlo nga kon ang usa ka tawo may ikatabang unta sa iyang amahan o inahan, apan siya moingon, “iya kini sa Dios”, dili na kinahanglan nga tahoron niya ang iyang amahan.