I-click bisag asa aron moabli
  • Catechism of the Council of Trent
    Other names:
    The Roman Catechism
    The Catechism of Pius V
    The Catechism for Parish Priests
    The Tridentine Catechism

    Ang Catechism of the Council of Trent, nga nailhan usab isip Roman Catechism, usa ka importanteng klasikal nga compendium sa Katolikong Doktrina nga gimandoan sa panahon sa Council of Trent ug gipatik niadtong 1566.

    Gilaraw kini ilabina alang sa mga pari ug parish priests aron mahimong lig-on ug sistematikong giya sa pagtudlo sa mga tawo sa Katolikong Pagtoo. Apan tungod sa kalawom ug klaridad sa mga pagtulon-an niini, nahimong bililhon usab kini alang sa mga catechists, theologians, Catholic apologists, ug mga laykong gustong mopalawom sa ilang Pagtoo.

    Ang Catechism organisado palibot sa upat ka dagkong haligi:

    1. THE APOSTLES' CREED — Unsa ang gituohan sa mga Kristohanon.
    2. THE SACRAMENTS — Mga paagi diin gihatag sa Dios ang Iyang grasya.
    3. THE DECALOGUE — Mga Sugo sa Dios ug ang Kristohanong moralidad.
    4. PRAYER — Ilabina ang Our Father, ug ang kinabuhi sa pag-ampo.

    Ngano nga Bililhon Kini?

    Kini nga Catechism wala lamang naglista sa mga doktrina. Gituyo kini aron ipasabot ang kahulugan, katuyoan, ug praktikal nga aplikasyon sa Katolikong pagtulon-an, ilabina sa pag-andam sa mga tawo alang sa usa ka mas matinud-anon nga pagdawat sa mga Sakramento ug Kristohanong pagkinabuhi.

    Mao kini ang usa ka maayong classical reference kung gusto nimong masabtan kung giunsa pagpresentar sa Simbahan ang iyang pagtoo sa panahon sa Counter-Reformation ug sa tradisyon sa Tridentine catechesis.

    Kinsa ang Angay Mobasa?

    Angay kini alang sa:

    Mga pari ug deacons
    Mga seminarians ug Theology students
    Catechists ug Catholic teachers
    Catholic apologists / Faith Defenders
    Mga researchers sa Catholic doctrine ug Church history
    Mga ginikanan nga nagtudlo sa Catholic Faith
    Mga laykong gustong molalom sa ilang pagtoo
    Bisan kinsa nga gustong makaila sa classical formulation sa Katolikong Doktrina

    Mga Katuyoan sa Libro

    Ang Catechism of the Council of Trent makatabang sa:

    • Pagpalig-on sa kahibalo sa Katolikong Pagtoo
    • Paghatag og sistematikong pamaagi sa catechesis
    • Mas lawom nga pagsabot sa mga Sakramento
    • Pagpasabot sa Christian morality pinaagi sa Ten Commandments
    • Pagpalambo sa kinabuhi sa pag-ampo
    • Pag-andam sa mga magtutudlo ug pari sa pagtudlo sa mga magtutuo
    • Pagtuon sa kasaysayan sa Catholic catechesis ug Tridentine teaching

    BALIK SA USA KA KLASIKONG GIYA SA KATOLIKONG PAGTOO.

    Catechism of the Council of Trent — The Roman Catechism

    Usa ka makasaysayanon ug lawom nga compendium sa Katolikong Doktrina, nga gimandoan human sa Council of Trent aron mahimong lig-on nga giya sa mga pari sa pagtudlo sa mga magtutuo.

    Gihan-ay niini ang pagtuon sa Catholic Faith palibot sa Creed, Sacraments, Ten Commandments, ug Prayer—ang upat ka pundasyon sa sistematikong catechesis.

    Alang sa pari. Alang sa catechist. Alang sa apologist. Alang sa theologian. Alang sa seryosong Katoliko.

    HIBALOA ANG ATONG GITUOHAN.
    SABTA ANG MGA SAKRAMENTO.
    BUHI-A ANG MGA SUGO SA DIOS.
    PALAWMA ANG KINABUHI SA PAG-AMPO.

    THE ROMAN CATECHISM

    A CLASSIC GUIDE TO THE CATHOLIC FAITH.

0 comments:

Leave a Reply

Subscribe to: Post Comments (Atom)
Tulo ka hinungdanong pangutana nga dili nato matubag kon Biblia lamang ang atong saligan.

Una – Giunsa man nato paghibalo sa sakto nga ihap (canon) sa mga basahon sa Biblia? Sa wala pa himoa ang pagtapok sa mga basahon sa Bag-ong Tugon daghang mga basahon nga Kristohanon nga gipakaylap. Kinsa man ang nagpaila kanato sa 27 ka libro sa Bag-ong Tugon isip linamdagan? Walay lain kondili ang Simbahang Katoliko ubos sa paglamdag sa Espiritu Santo pinaagi sa Konsilyo sa Kartago sa tuig 397 AD human sa pag-aprobar sa Santo Papa mipakanaog sa mahukumon gayod ug alang sa tanang panahon kon unsang mga basahona ang maapil sa Biblia ug unsa ang dili. Ang unang mga sinulat dugay na nga nangahanaw. Ang ania kanato karon mao ang kopya sa kopya sa orihinal. Kinsa man ang nag-garantiya nga husto ug matinud-anon ang teksto sa kopya? Ang Simbahang Katoliko pinasikad sa iyang karaang Tradisyon, diha sa iyang panudlo ug sa iyang liturhiya masayod kon unsa ang matuod nga teksto ug unsa ang sayop.

Ikaduha - Giunsa man nato paghibalo nga sakto ang pagkahubad sanglit daghan kanato, ang atong gigamit nga Bibliang hubad “translation” gikan sa Hebreo, Griego, ug Aramaico? Aron pagpiho sa husto nga hubad sa atong kaugalingon kinahanglan pa nga magtuon kita sa orihinal nga pinulongan ug pipila man kanato ang makahimo niining malisod nga tahas? Sa makausa pa, kinahanglan nga mosandig kita sa autoridad sa Simbahan.

Ikatulo - Giunsa man nato pagsiguro nga husto ang atong pagsabot kun interpretasyon sa atong gibasa? Ang matag pastor nga tigtukod og bag-ong tinuhoan pulos gyod moangkon nga ang ilang sabot maoy husto apan wala silay panagkauyon kon unsa gyod ang gipasabot sa letra sa Kasulatan. Alang sa mga Katoliko ang dili masayop nga autoridad sa Simbahan nga tinukod ni Cristo ang maghatag kaniyag kasigurohan nga ang iyang nadawat mao ang lonsay nga pulong sa Dios nga walay sambog sa kasaypanan gumikan sa tawhanong panabot.
Ang Simbahan gihatagan ni Cristo sa bugtong katungod sa pagtudlo ug paghubad sa diosnong gipadayag nga nakarga sa Biblia nga mao ang diosnong gipadayag nga nasulat ug sa Tradisyon nga mao ang diosnong gipadayag nga wala na masulat ug nahipasa pinaagi sa binaba nga panudlo.

Ang Simbahan wala magkuha sa hingpit nga kasigurohan sa tanan nga gipadayag sa Dios gikan sa Biblia lamang kondili gikan sa duha ka tinubdan nga mao ang Biblia ug ang Tradisyon.

Ang Biblia ug ang Tradisyon angay nga hatagan sa samang pagtagad isip sudlanan sa pulong sa Dios. Ang katungod sa pagkadili-masayop sa pagpanudlo labot sa kinahanglan alang sa kaluwasan sa tawo wala isaad ni Cristo ngadto sa matag magbabasa sa Biblia kondili ngadto sa buhi nga autoridad sa Simbahan nga gitawag og “Magisterium” nga gilangkoban sa Sto. Papa ug sa tanang kaobispohan nga nahiusa sa Sto. Papa.
Ang Biblia naghisgot sa tulo ka matang sa tradisyon.

Una - sa mga Patriarca, “ug ang akong mga pulong nga gipasulti ko kaninyo, dili gayod mawala diha sa inyong baba ni sa baba sa inyong mga anak ug mga apo sukad karon ug hangtod sa kahangtoran” (Isa. 59:21).

Ikaduha - sa mga Apostoles, si San Pablo nag-awhag, “mga igsoon hupti ninyo nga malig-on ang mga pagtulon-an nga among gitudlo kaninyo pinaagi sa among mga sulat o sa among tradisyon” (2 Tes. 2:15) ug siya usab nagpahimangno, likayi ninyo kadtong dili modawat sa atong tradisyon” (2 Tes. 3:6).

Ikatulo - sa mga Judio, nga mao ang gisaway ni Cristo sa Mat. 15:2-6 tungod kay sila nagtudlo nga kon ang usa ka tawo may ikatabang unta sa iyang amahan o inahan, apan siya moingon, “iya kini sa Dios”, dili na kinahanglan nga tahoron niya ang iyang amahan.