I-click bisan asa aron mobukas
  • Enchiridion Symbolorum
    ENCHIRIDION SYMBOLORUM
    Definitionum et Declarationum de Rebus Fidei et Morum
    The Sources of Catholic Dogma

    Heinrich Joseph Dominicus Denzinger

    ANG HANDBOOK SA MGA PULONG, DEPINISYON UG PAHAYAG SA SIMBAHAN

    Ang Enchiridion Symbolorum, nga mas nailhan isip Denzinger, usa sa labing importante nga reference works alang sa pagtuon sa Katolikong Doktrina, Dogma, Theology, ug Moral Teaching.

    Kini usa ka komprehensibong koleksiyon sa mga importanteng pahayag sa mga Santo Papa ug Ecumenical Councils mahitungod sa mga butang nga may kalabotan sa Pagtoo ug Moralidad.

    Gikan sa unang mga Creed ug doctrinal definitions hangtod sa mga importanteng pahayag sa Magisterium sa nagkalain-laing panahon, ang Denzinger nagtugot sa magbabasa nga masubay ang opisyal nga pagpahayag ug pagpalambo sa Catholic Doctrine sa kasaysayan.

    KINSA ANG ANGAY MOBASA?

    Kini nga libro ilabinang bililhon alang sa:

    Mga pari ug deacons
    Mga seminarista ug religious
    Mga estudyante sa Theology ug Philosophy
    Mga Catholic apologists ug researchers
    Mga catechist ug Catholic educators
    Mga professors ug theological students
    Mga researchers sa Church History
    Mga magtutudlo sa Catholic Doctrine
    Mga Katolikong seryoso sa pagtuon sa ilang Pagtoo
    MGA KATUYOAN SA LIBRO

    Ang Enchiridion Symbolorum makatabang sa magbabasa sa:

    ① Pag-ila sa opisyal nga mga pahayag sa Simbahan
    Mahibaloan kung giunsa mismo pagpahayag sa mga Santo Papa ug Konseho ang mga importanteng pagtulon-an.

    ② Pagsabot sa pagpalambo sa Catholic Doctrine
    Masubay ang doctrinal development gikan sa unang mga siglo sa Kristiyanismo hangtod sa modernong panahon.

    ③ Pagtuon sa mga Dogma ug Doctrinal Definitions
    Makatabang sa pag-research sa mga pagtulon-an nga may kalabotan sa Faith ug Morals.

    ④ Paghatag og lig-on nga source sa Catholic Apologetics
    Imbis nga magsalig lamang sa secondary sources, ang magbabasa mahimong modangop sa mga dokumento ug pahayag nga gipreserbar sa Church's doctrinal tradition.

    ⑤ Pagpalalom sa Theological Study
    Usa kini ka importante nga reference alang sa seryosong pagtuon sa Catholic Theology ug Church History.

    NGANONG IMPORTANTE ANG DENZINGER?

    Kung adunay mangutana:

    “Asa man gyud gipahayag sa Simbahan kana nga doktrina?”

    Ang Denzinger usa sa mga reference nga makatabang sa pagpangita sa tubag.

    Dili kini ordinaryong catechism nga nagpasabot sa tanang doktrina sa yano nga paagi. Hinuon, kini usa ka compendium sa importanteng doctrinal texts, nga kasagarang gihan-ay sa chronological order.

    Tungod niini, makita sa magbabasa kung giunsa sa Simbahan pag-atubang sa mga heresy, kontrobersiya, theological questions, ug doctrinal issues sa nagkalain-laing panahon.

    USA KA IMPORTANTE NGA REFERENCE SA CATHOLIC APOLOGETICS

    Alang sa usa ka Catholic apologist, importante ang Denzinger tungod kay makatabang kini sa pag-adto sa historical ug doctrinal sources sa Catholic Faith.

    Kung gusto nimong ipakita nga ang usa ka pagtulon-an dili lang personal nga interpretasyon, importante ang pagtan-aw sa mga opisyal nga dokumento ug doctrinal definitions sa Simbahan.

    DILI LANG “UNSAY GITOOHAN SA KATOLIKO?”
    APAN: “ASA GIPAHAYAG SA SIMBAHAN?”
    PARA SA SERYOSONG PAGTUON SA KATOLIKONG PAGTOO

    Ang Enchiridion Symbolorum usa ka bililhon nga kauban alang sa:

    Theology • Apologetics • Dogmatics • Church History • Catechesis • Catholic Doctrine • Moral Theology

    ENCHIRIDION SYMBOLORUM

    Definitionum et Declarationum de Rebus Fidei et Morum

    THE SOURCES OF CATHOLIC DOGMA

    HIBALOA ANG MGA DOKUMENTO.
    SABTA ANG MGA DOGMA.
    PANGITA ANG MGA TINUBDAN.
    PALIG-ONA ANG KATOLIKONG PAGTOO.

0 comments:

Leave a Reply

Subscribe to: Post Comments (Atom)
Tulo ka hinungdanong pangutana nga dili nato matubag kon Biblia lamang ang atong saligan.

Una – Giunsa man nato paghibalo sa sakto nga ihap (canon) sa mga basahon sa Biblia? Sa wala pa himoa ang pagtapok sa mga basahon sa Bag-ong Tugon daghang mga basahon nga Kristohanon nga gipakaylap. Kinsa man ang nagpaila kanato sa 27 ka libro sa Bag-ong Tugon isip linamdagan? Walay lain kondili ang Simbahang Katoliko ubos sa paglamdag sa Espiritu Santo pinaagi sa Konsilyo sa Kartago sa tuig 397 AD human sa pag-aprobar sa Santo Papa mipakanaog sa mahukumon gayod ug alang sa tanang panahon kon unsang mga basahona ang maapil sa Biblia ug unsa ang dili. Ang unang mga sinulat dugay na nga nangahanaw. Ang ania kanato karon mao ang kopya sa kopya sa orihinal. Kinsa man ang nag-garantiya nga husto ug matinud-anon ang teksto sa kopya? Ang Simbahang Katoliko pinasikad sa iyang karaang Tradisyon, diha sa iyang panudlo ug sa iyang liturhiya masayod kon unsa ang matuod nga teksto ug unsa ang sayop.

Ikaduha - Giunsa man nato paghibalo nga sakto ang pagkahubad sanglit daghan kanato, ang atong gigamit nga Bibliang hubad “translation” gikan sa Hebreo, Griego, ug Aramaico? Aron pagpiho sa husto nga hubad sa atong kaugalingon kinahanglan pa nga magtuon kita sa orihinal nga pinulongan ug pipila man kanato ang makahimo niining malisod nga tahas? Sa makausa pa, kinahanglan nga mosandig kita sa autoridad sa Simbahan.

Ikatulo - Giunsa man nato pagsiguro nga husto ang atong pagsabot kun interpretasyon sa atong gibasa? Ang matag pastor nga tigtukod og bag-ong tinuhoan pulos gyod moangkon nga ang ilang sabot maoy husto apan wala silay panagkauyon kon unsa gyod ang gipasabot sa letra sa Kasulatan. Alang sa mga Katoliko ang dili masayop nga autoridad sa Simbahan nga tinukod ni Cristo ang maghatag kaniyag kasigurohan nga ang iyang nadawat mao ang lonsay nga pulong sa Dios nga walay sambog sa kasaypanan gumikan sa tawhanong panabot.
Ang Simbahan gihatagan ni Cristo sa bugtong katungod sa pagtudlo ug paghubad sa diosnong gipadayag nga nakarga sa Biblia nga mao ang diosnong gipadayag nga nasulat ug sa Tradisyon nga mao ang diosnong gipadayag nga wala na masulat ug nahipasa pinaagi sa binaba nga panudlo.

Ang Simbahan wala magkuha sa hingpit nga kasigurohan sa tanan nga gipadayag sa Dios gikan sa Biblia lamang kondili gikan sa duha ka tinubdan nga mao ang Biblia ug ang Tradisyon.

Ang Biblia ug ang Tradisyon angay nga hatagan sa samang pagtagad isip sudlanan sa pulong sa Dios. Ang katungod sa pagkadili-masayop sa pagpanudlo labot sa kinahanglan alang sa kaluwasan sa tawo wala isaad ni Cristo ngadto sa matag magbabasa sa Biblia kondili ngadto sa buhi nga autoridad sa Simbahan nga gitawag og “Magisterium” nga gilangkoban sa Sto. Papa ug sa tanang kaobispohan nga nahiusa sa Sto. Papa.
Ang Biblia naghisgot sa tulo ka matang sa tradisyon.

Una - sa mga Patriarca, “ug ang akong mga pulong nga gipasulti ko kaninyo, dili gayod mawala diha sa inyong baba ni sa baba sa inyong mga anak ug mga apo sukad karon ug hangtod sa kahangtoran” (Isa. 59:21).

Ikaduha - sa mga Apostoles, si San Pablo nag-awhag, “mga igsoon hupti ninyo nga malig-on ang mga pagtulon-an nga among gitudlo kaninyo pinaagi sa among mga sulat o sa among tradisyon” (2 Tes. 2:15) ug siya usab nagpahimangno, likayi ninyo kadtong dili modawat sa atong tradisyon” (2 Tes. 3:6).

Ikatulo - sa mga Judio, nga mao ang gisaway ni Cristo sa Mat. 15:2-6 tungod kay sila nagtudlo nga kon ang usa ka tawo may ikatabang unta sa iyang amahan o inahan, apan siya moingon, “iya kini sa Dios”, dili na kinahanglan nga tahoron niya ang iyang amahan.