I-click bisan asa aron mobukas
  • The Christian Faith

    THE CHRISTIAN FAITH
    In the Doctrinal Documents of the Catholic Church

    Josef Neuner, S.J. & Jacques Dupuis, S.J.

    ANG MGA DOKUMENTO NGA NAGPAMATUOD SA PAGTOO SA SIMBAHAN

    Ang The Christian Faith ni Josef Neuner, S.J. ug Heinrich Roos, S.J. usa ka talagsaon nga collection sa mga doctrinal documents sa Simbahang Katolika nga nagpakita kung giunsa pagpahayag, pagpalambo, ug pagpanalipod sa Simbahan ang iyang pagtoo sa nagkalain-laing panahon sa kasaysayan.

    Naglangkob kini sa mga Creed sa unang mga Kristohanon, mga importanteng pahayag sa Ecumenical Councils, Santo Papa, ug mga Roman Congregations, lakip ang mga dokumento nga may kalabotan sa Catholic Faith ug Doctrine. Ang collection gi-update hangtod sa 2000.

    UNSAY MAKITA SA LIBRO?

    Ang mga dokumento gi-organisar chronologically ug thematically, nga adunay mga introduction ug outline aron masabtan sa magbabasa ang background ug doctrinal development sa matag panahon.

    Makatabang kini sa pagsubay sa mga pagtulon-an bahin sa:

    Dios ug Balaang Trinidad
    Jesucristo ug Redemption
    Simbahan ug iyang awtoridad
    Kasulatan ug Divine Revelation
    Mga Sakramento
    Grasya ug Kaluwasan
    Moral ug Christian Life
    Mga dogma ug doctrinal definitions
    Mga pagtulon-an sa mga Konseho ug Santo Papa

    KINSA ANG ANGAY MOBASA?

    Kini nga libro ilabinang angay alang sa:

    Mga pari, seminarista ug religious
    Mga estudyante sa Theology ug Philosophy
    Mga catechist ug Catholic educators
    Mga Catholic apologetics researchers
    Mga estudyante sa Church History
    Mga Bible study ug faith-formation leaders
    Mga magtutudlo sa Katolikong Pagtoo
    Mga Katolikong gustong molalom sa ilang doctrinal knowledge
    Mga researchers nga nanginahanglan og primary doctrinal sources

    MGA KATUYOAN SA LIBRO

    Ang The Christian Faith makatabang sa magbabasa sa:

    1. Pag-ila sa mga tinubdan sa Catholic Doctrine.
    Dili lamang summary sa doktrina ang makita, kondili ang mismong mga dokumento nga nagpahayag niini.

    2. Pagsubay sa doctrinal development.
    Makita kung giunsa pagklaro ug pagpalalom sa Simbahan ang iyang pagtulon-an sa daghang siglo.

    3. Pagsabot sa kasaysayan sa Catholic Theology.
    Ang mga dokumento nagpakita sa mga pangutana, kontrobersiya, ug theological concerns nga giatubang sa Simbahan sa nagkalain-laing panahon.

    4. Paghatag og lig-on nga reference sa apologetics.
    Makatabang sa pagpangita sa tukmang historical ug doctrinal basis sa mga pagtulon-an sa Simbahan.

    5. Pagpalig-on sa catechesis ug theological study.
    Ang mga index ug tables makatabang sa dali nga pagpangita sa mga dokumento ug hilisgutan.

    NGANONG IMPORTANTE KINI?

    Kung mangutana kita:

    “Unsa gayod ang gitudlo sa Simbahang Katolika?”

    usa sa labing maayong paagi sa pagpangita og tubag mao ang pag-adto sa mga dokumento diin mismo gipahayag sa Simbahan ang iyang pagtulon-an.

    Ang The Christian Faith naghatag og usa ka organisado ug komprehensibong collection sa maong mga dokumento—gikan sa unang mga Creed hangtod sa mas modernong mga pahayag sa Magisterium.

    USA KA BILILHON NGA REFERENCE

    Para sa Catholic Apologetics, Catechesis, Theology, ug Church History, kini nga libro usa ka bililhon nga kauban sa pagtuon.

    DILI LANG PAGHIBALO SA DOKTRINA—
    KONDILI PAGKAHIBALO KUNG ASA GIPAMATUD-AN UG GIPAHAYAG KINI SA SIMBAHAN.

    THE CHRISTIAN FAITH

    In the Doctrinal Documents of the Catholic Church

    Josef Neuner, S.J. & Jacques Dupuis, S.J.

    HIBALOA ANG MGA DOKUMENTO.
    SABTA ANG PAGPALAMBO SA DOKTRINA.
    PALIG-ONA ANG KATOLIKONG PAGTOO.

0 comments:

Leave a Reply

Subscribe to: Post Comments (Atom)
Tulo ka hinungdanong pangutana nga dili nato matubag kon Biblia lamang ang atong saligan.

Una – Giunsa man nato paghibalo sa sakto nga ihap (canon) sa mga basahon sa Biblia? Sa wala pa himoa ang pagtapok sa mga basahon sa Bag-ong Tugon daghang mga basahon nga Kristohanon nga gipakaylap. Kinsa man ang nagpaila kanato sa 27 ka libro sa Bag-ong Tugon isip linamdagan? Walay lain kondili ang Simbahang Katoliko ubos sa paglamdag sa Espiritu Santo pinaagi sa Konsilyo sa Kartago sa tuig 397 AD human sa pag-aprobar sa Santo Papa mipakanaog sa mahukumon gayod ug alang sa tanang panahon kon unsang mga basahona ang maapil sa Biblia ug unsa ang dili. Ang unang mga sinulat dugay na nga nangahanaw. Ang ania kanato karon mao ang kopya sa kopya sa orihinal. Kinsa man ang nag-garantiya nga husto ug matinud-anon ang teksto sa kopya? Ang Simbahang Katoliko pinasikad sa iyang karaang Tradisyon, diha sa iyang panudlo ug sa iyang liturhiya masayod kon unsa ang matuod nga teksto ug unsa ang sayop.

Ikaduha - Giunsa man nato paghibalo nga sakto ang pagkahubad sanglit daghan kanato, ang atong gigamit nga Bibliang hubad “translation” gikan sa Hebreo, Griego, ug Aramaico? Aron pagpiho sa husto nga hubad sa atong kaugalingon kinahanglan pa nga magtuon kita sa orihinal nga pinulongan ug pipila man kanato ang makahimo niining malisod nga tahas? Sa makausa pa, kinahanglan nga mosandig kita sa autoridad sa Simbahan.

Ikatulo - Giunsa man nato pagsiguro nga husto ang atong pagsabot kun interpretasyon sa atong gibasa? Ang matag pastor nga tigtukod og bag-ong tinuhoan pulos gyod moangkon nga ang ilang sabot maoy husto apan wala silay panagkauyon kon unsa gyod ang gipasabot sa letra sa Kasulatan. Alang sa mga Katoliko ang dili masayop nga autoridad sa Simbahan nga tinukod ni Cristo ang maghatag kaniyag kasigurohan nga ang iyang nadawat mao ang lonsay nga pulong sa Dios nga walay sambog sa kasaypanan gumikan sa tawhanong panabot.
Ang Simbahan gihatagan ni Cristo sa bugtong katungod sa pagtudlo ug paghubad sa diosnong gipadayag nga nakarga sa Biblia nga mao ang diosnong gipadayag nga nasulat ug sa Tradisyon nga mao ang diosnong gipadayag nga wala na masulat ug nahipasa pinaagi sa binaba nga panudlo.

Ang Simbahan wala magkuha sa hingpit nga kasigurohan sa tanan nga gipadayag sa Dios gikan sa Biblia lamang kondili gikan sa duha ka tinubdan nga mao ang Biblia ug ang Tradisyon.

Ang Biblia ug ang Tradisyon angay nga hatagan sa samang pagtagad isip sudlanan sa pulong sa Dios. Ang katungod sa pagkadili-masayop sa pagpanudlo labot sa kinahanglan alang sa kaluwasan sa tawo wala isaad ni Cristo ngadto sa matag magbabasa sa Biblia kondili ngadto sa buhi nga autoridad sa Simbahan nga gitawag og “Magisterium” nga gilangkoban sa Sto. Papa ug sa tanang kaobispohan nga nahiusa sa Sto. Papa.
Ang Biblia naghisgot sa tulo ka matang sa tradisyon.

Una - sa mga Patriarca, “ug ang akong mga pulong nga gipasulti ko kaninyo, dili gayod mawala diha sa inyong baba ni sa baba sa inyong mga anak ug mga apo sukad karon ug hangtod sa kahangtoran” (Isa. 59:21).

Ikaduha - sa mga Apostoles, si San Pablo nag-awhag, “mga igsoon hupti ninyo nga malig-on ang mga pagtulon-an nga among gitudlo kaninyo pinaagi sa among mga sulat o sa among tradisyon” (2 Tes. 2:15) ug siya usab nagpahimangno, likayi ninyo kadtong dili modawat sa atong tradisyon” (2 Tes. 3:6).

Ikatulo - sa mga Judio, nga mao ang gisaway ni Cristo sa Mat. 15:2-6 tungod kay sila nagtudlo nga kon ang usa ka tawo may ikatabang unta sa iyang amahan o inahan, apan siya moingon, “iya kini sa Dios”, dili na kinahanglan nga tahoron niya ang iyang amahan.