I-click bisag asa aron moabli
  • KAPITULO I: ANG KATAKOS SA TAWO ALANG SA DIOS: MINUGBO
    UNANG BAHIN:
    ANG PAGPAMATOOD SA PAGTOO

    UNANG SEKSYON:
    “NAGATOO AKO” — “NAGATOO KAMI”

    KAPITULO I:
    ANG KATAKOS SA TAWO ALANG SA DIOS


     MINUGBO

    44 Ang tawo, pinaagi sa iyang kinaiyahan ug bokasyon, usa ka relihiyosong binuhat. Gikan siya sa Dios ug padulong ngadto sa Dios; busa, hingpit lamang siyang makakinabuhi isip tawo kon gawasnon niyang gikinabuhi ang iyang pagkahiusa ug relasyon sa Dios.

    45 Ang tawo gilalang aron magkinabuhi diha sa pakig-ambitay sa Dios, diin iyang makaplagan ang kalipay: “Sa dihang hingpit na akong mahiusa Kanimo, wala nay kasakit o mga pagsulay; sa hingpit nga napuno Mo, ang akong kinabuhi mahimong kompleto.” (San Agustin, Conf. 10, 28, 39: PL 32, 795).

    46 Sa dihang paminawon sa tawo ang mensahe sa binuhat ug ang tingog sa konsensiya, mahimo siyang makaabot sa kasigurohan mahitungod sa paglungtad sa Dios, nga mao ang hinungdan ug kataposang tumong sa tanang butang.

    47 Ang Simbahan nagtudlo nga ang usa lamang ka tinood nga Dios, ang atong Magbubuhat ug Ginoo, mahimong mailhan uban ang kasigurohan pinaagi sa Iyang mga buhat, diha sa natural nga kahayag sa tawhanong katarungan (itandi ang Unang Konseho sa Vaticano, can. 2 §1: DS 3026).

    48 Tinood nga mahimo nato nganlan ug hisgotan ang Dios pinaagi sa pagsugod sa nagkalainlaing mga kahingpitan sa Iyang mga binuhat, nga mga pagkasama o mga hulagway sa Dios nga walay kinutoban ang kahingpitan, bisan pa man nga ang atong limitadong pinulongan dili makahurot sa pagpasabot sa misteryo.

    49 Kon wala ang Magbubuhat, mawala ang binuhat (GS 36). Mao kini ang hinungdan nganong ang mga magtutuo nahibalo nga ang gugma ni Cristo nagdasig ug nag-awhag kanila sa pagdala sa kahayag sa buhing Dios ngadto niadtong wala makaila Kaniya o misalikway Kaniya.

0 comments:

Leave a Reply

Subscribe to: Post Comments (Atom)
Tulo ka hinungdanong pangutana nga dili nato matubag kon Biblia lamang ang atong saligan.

Una – Giunsa man nato paghibalo sa sakto nga ihap (canon) sa mga basahon sa Biblia? Sa wala pa himoa ang pagtapok sa mga basahon sa Bag-ong Tugon daghang mga basahon nga Kristohanon nga gipakaylap. Kinsa man ang nagpaila kanato sa 27 ka libro sa Bag-ong Tugon isip linamdagan? Walay lain kondili ang Simbahang Katoliko ubos sa paglamdag sa Espiritu Santo pinaagi sa Konsilyo sa Kartago sa tuig 397 AD human sa pag-aprobar sa Santo Papa mipakanaog sa mahukumon gayod ug alang sa tanang panahon kon unsang mga basahona ang maapil sa Biblia ug unsa ang dili. Ang unang mga sinulat dugay na nga nangahanaw. Ang ania kanato karon mao ang kopya sa kopya sa orihinal. Kinsa man ang nag-garantiya nga husto ug matinud-anon ang teksto sa kopya? Ang Simbahang Katoliko pinasikad sa iyang karaang Tradisyon, diha sa iyang panudlo ug sa iyang liturhiya masayod kon unsa ang matuod nga teksto ug unsa ang sayop.

Ikaduha - Giunsa man nato paghibalo nga sakto ang pagkahubad sanglit daghan kanato, ang atong gigamit nga Bibliang hubad “translation” gikan sa Hebreo, Griego, ug Aramaico? Aron pagpiho sa husto nga hubad sa atong kaugalingon kinahanglan pa nga magtuon kita sa orihinal nga pinulongan ug pipila man kanato ang makahimo niining malisod nga tahas? Sa makausa pa, kinahanglan nga mosandig kita sa autoridad sa Simbahan.

Ikatulo - Giunsa man nato pagsiguro nga husto ang atong pagsabot kun interpretasyon sa atong gibasa? Ang matag pastor nga tigtukod og bag-ong tinuhoan pulos gyod moangkon nga ang ilang sabot maoy husto apan wala silay panagkauyon kon unsa gyod ang gipasabot sa letra sa Kasulatan. Alang sa mga Katoliko ang dili masayop nga autoridad sa Simbahan nga tinukod ni Cristo ang maghatag kaniyag kasigurohan nga ang iyang nadawat mao ang lonsay nga pulong sa Dios nga walay sambog sa kasaypanan gumikan sa tawhanong panabot.
Ang Simbahan gihatagan ni Cristo sa bugtong katungod sa pagtudlo ug paghubad sa diosnong gipadayag nga nakarga sa Biblia nga mao ang diosnong gipadayag nga nasulat ug sa Tradisyon nga mao ang diosnong gipadayag nga wala na masulat ug nahipasa pinaagi sa binaba nga panudlo.

Ang Simbahan wala magkuha sa hingpit nga kasigurohan sa tanan nga gipadayag sa Dios gikan sa Biblia lamang kondili gikan sa duha ka tinubdan nga mao ang Biblia ug ang Tradisyon.

Ang Biblia ug ang Tradisyon angay nga hatagan sa samang pagtagad isip sudlanan sa pulong sa Dios. Ang katungod sa pagkadili-masayop sa pagpanudlo labot sa kinahanglan alang sa kaluwasan sa tawo wala isaad ni Cristo ngadto sa matag magbabasa sa Biblia kondili ngadto sa buhi nga autoridad sa Simbahan nga gitawag og “Magisterium” nga gilangkoban sa Sto. Papa ug sa tanang kaobispohan nga nahiusa sa Sto. Papa.
Ang Biblia naghisgot sa tulo ka matang sa tradisyon.

Una - sa mga Patriarca, “ug ang akong mga pulong nga gipasulti ko kaninyo, dili gayod mawala diha sa inyong baba ni sa baba sa inyong mga anak ug mga apo sukad karon ug hangtod sa kahangtoran” (Isa. 59:21).

Ikaduha - sa mga Apostoles, si San Pablo nag-awhag, “mga igsoon hupti ninyo nga malig-on ang mga pagtulon-an nga among gitudlo kaninyo pinaagi sa among mga sulat o sa among tradisyon” (2 Tes. 2:15) ug siya usab nagpahimangno, likayi ninyo kadtong dili modawat sa atong tradisyon” (2 Tes. 3:6).

Ikatulo - sa mga Judio, nga mao ang gisaway ni Cristo sa Mat. 15:2-6 tungod kay sila nagtudlo nga kon ang usa ka tawo may ikatabang unta sa iyang amahan o inahan, apan siya moingon, “iya kini sa Dios”, dili na kinahanglan nga tahoron niya ang iyang amahan.