I-click bisan asa aron mobukas
  • The Teaching of the Catholic Church

    As Contained in Her Documents


    Josef Neuner, S.J. & Heinrich Roos, S.J.

    Edited by Karl Rahner, S.J.


    MGA DOKUMENTO NGA NAGPAKITA SA GITUDLO SA SIMBAHAN


    Ang The Teaching of the Catholic Church usa ka bililhon nga koleksiyon sa mga importanteng dokumento sa pagtulon-an sa Simbahang Katolika. Imbis nga magsalig lamang sa summary sa usa ka tagsulat, kini nga libro nagdala sa magbabasa ngadto sa mga dokumento mismo sa Magisterium nga nagpahayag ug nagklaro sa Catholic Doctrine.


    Ang mga teksto niini gi-organisar sumala sa mga tema, busa mas sayon gamiton isip reference sa pagtuon sa mga doktrina sa Simbahan. Kini naghatag og importanteng doctrinal sources alang sa mga estudyante sa theology, catechists, pari, ug mga seryosong estudyante sa Katolikong Pagtoo.


    KINSA ANG ANGAY MOBASA?


    Mga pari ug deacons

    Mga seminarista ug religious

    Mga theology ug philosophy students

    Mga catechist ug Catholic educator

    Mga Catholic apologetics researchers

    Mga Bible study ug faith-formation leaders

    Mga magtutudlo sa Katolikong Pagtoo

    Mga Katolikong gustong molalom sa ilang doctrinal knowledge

    Mga researchers sa Church History ug Catholic Doctrine


    MGA KATUYOAN SA LIBRO


    Kini nga libro makatabang sa magbabasa sa:


    * Pag-ila sa mga dokumento nga nagpahayag sa Catholic Doctrine.

    * Pagsabot kung giunsa pagpasabot ug pagdepensa sa Simbahan ang iyang pagtoo.

    * Pagtuon sa mga pagtulon-an pinaagi sa primary doctrinal sources

    * Paghimo og mas lig-on nga pundasyon alang sa Catholic apologetics ug theological research*

    * Pagpangita og tukmang reference sa mga pangutana bahin sa Catholic Doctrine.

    * Pagsubay sa doctrinal teachings sa Simbahan pinaagi sa iyang mga opisyal nga dokumento.


    NGANONG IMPORTANTE KINI?


    Kung gusto nato masabtan kung unsa gayod ang gitudlo sa Simbahang Katolika, importante nga atong tan-awon dili lamang ang mga modernong summary, apan usab ang mga dokumento diin gipahayag mismo ang mga pagtulon-an sa Simbahan.


    Ang The Teaching of the Catholic Church usa ka praktikal nga paagi aron ang magbabasa makaduol sa maong mga doctrinal texts nga gipili ug gihugpong sa usa ka thematic nga collection. Usa ka scholarly review sa 1967 edition nagtumbok niini isip usa ka mapuslanong collection sa principal documents sa Magisterium.


    PARA SA CATHOLIC APOLOGETICS


    Alang sa usa ka Catholic apologist, ang libro mahimong gamiton isip reference sa pagpangita sa historical ug doctrinal foundations sa mga pagtulon-an sa Simbahan.


    Dili lamang kini libro nga motubag sa pangutana:


    “Unsa may gitudlo sa Simbahan?”


    Apan makatabang usab kini sa pagpangutana:


    “Asa kini gipahayag sa mga dokumento sa Simbahan?”


    ### USA KA BILILHON NGA REFERENCE SA PAGTOO


    Ang The Teaching of the Catholic Church dili lang ordinaryong basahon sa theology. Kini usa ka collection of doctrinal documents nga makatabang sa seryosong magbabasa sa pagsabot sa Catholic Faith pinaagi sa mga tinubdan sa pagtulon-an sa Simbahan.


    HIBALOA ANG MGA DOKUMENTO.

    SABTA ANG DOKTRINA.

    PALIG-ONA ANG IMONG PAGTOO.


    THE TEACHING OF THE CATHOLIC CHURCH

    As Contained in Her Documents

    Josef Neuner, S.J. & Heinrich Roos, S.J.


    Usa ka importante nga reference alang sa Catholic Doctrine, Catechesis, Apologetics, ug Theological Study.


    PALIHOG CLICK PARA SA FLIPBOOK



0 comments:

Leave a Reply

Subscribe to: Post Comments (Atom)
Tulo ka hinungdanong pangutana nga dili nato matubag kon Biblia lamang ang atong saligan.

Una – Giunsa man nato paghibalo sa sakto nga ihap (canon) sa mga basahon sa Biblia? Sa wala pa himoa ang pagtapok sa mga basahon sa Bag-ong Tugon daghang mga basahon nga Kristohanon nga gipakaylap. Kinsa man ang nagpaila kanato sa 27 ka libro sa Bag-ong Tugon isip linamdagan? Walay lain kondili ang Simbahang Katoliko ubos sa paglamdag sa Espiritu Santo pinaagi sa Konsilyo sa Kartago sa tuig 397 AD human sa pag-aprobar sa Santo Papa mipakanaog sa mahukumon gayod ug alang sa tanang panahon kon unsang mga basahona ang maapil sa Biblia ug unsa ang dili. Ang unang mga sinulat dugay na nga nangahanaw. Ang ania kanato karon mao ang kopya sa kopya sa orihinal. Kinsa man ang nag-garantiya nga husto ug matinud-anon ang teksto sa kopya? Ang Simbahang Katoliko pinasikad sa iyang karaang Tradisyon, diha sa iyang panudlo ug sa iyang liturhiya masayod kon unsa ang matuod nga teksto ug unsa ang sayop.

Ikaduha - Giunsa man nato paghibalo nga sakto ang pagkahubad sanglit daghan kanato, ang atong gigamit nga Bibliang hubad “translation” gikan sa Hebreo, Griego, ug Aramaico? Aron pagpiho sa husto nga hubad sa atong kaugalingon kinahanglan pa nga magtuon kita sa orihinal nga pinulongan ug pipila man kanato ang makahimo niining malisod nga tahas? Sa makausa pa, kinahanglan nga mosandig kita sa autoridad sa Simbahan.

Ikatulo - Giunsa man nato pagsiguro nga husto ang atong pagsabot kun interpretasyon sa atong gibasa? Ang matag pastor nga tigtukod og bag-ong tinuhoan pulos gyod moangkon nga ang ilang sabot maoy husto apan wala silay panagkauyon kon unsa gyod ang gipasabot sa letra sa Kasulatan. Alang sa mga Katoliko ang dili masayop nga autoridad sa Simbahan nga tinukod ni Cristo ang maghatag kaniyag kasigurohan nga ang iyang nadawat mao ang lonsay nga pulong sa Dios nga walay sambog sa kasaypanan gumikan sa tawhanong panabot.
Ang Simbahan gihatagan ni Cristo sa bugtong katungod sa pagtudlo ug paghubad sa diosnong gipadayag nga nakarga sa Biblia nga mao ang diosnong gipadayag nga nasulat ug sa Tradisyon nga mao ang diosnong gipadayag nga wala na masulat ug nahipasa pinaagi sa binaba nga panudlo.

Ang Simbahan wala magkuha sa hingpit nga kasigurohan sa tanan nga gipadayag sa Dios gikan sa Biblia lamang kondili gikan sa duha ka tinubdan nga mao ang Biblia ug ang Tradisyon.

Ang Biblia ug ang Tradisyon angay nga hatagan sa samang pagtagad isip sudlanan sa pulong sa Dios. Ang katungod sa pagkadili-masayop sa pagpanudlo labot sa kinahanglan alang sa kaluwasan sa tawo wala isaad ni Cristo ngadto sa matag magbabasa sa Biblia kondili ngadto sa buhi nga autoridad sa Simbahan nga gitawag og “Magisterium” nga gilangkoban sa Sto. Papa ug sa tanang kaobispohan nga nahiusa sa Sto. Papa.
Ang Biblia naghisgot sa tulo ka matang sa tradisyon.

Una - sa mga Patriarca, “ug ang akong mga pulong nga gipasulti ko kaninyo, dili gayod mawala diha sa inyong baba ni sa baba sa inyong mga anak ug mga apo sukad karon ug hangtod sa kahangtoran” (Isa. 59:21).

Ikaduha - sa mga Apostoles, si San Pablo nag-awhag, “mga igsoon hupti ninyo nga malig-on ang mga pagtulon-an nga among gitudlo kaninyo pinaagi sa among mga sulat o sa among tradisyon” (2 Tes. 2:15) ug siya usab nagpahimangno, likayi ninyo kadtong dili modawat sa atong tradisyon” (2 Tes. 3:6).

Ikatulo - sa mga Judio, nga mao ang gisaway ni Cristo sa Mat. 15:2-6 tungod kay sila nagtudlo nga kon ang usa ka tawo may ikatabang unta sa iyang amahan o inahan, apan siya moingon, “iya kini sa Dios”, dili na kinahanglan nga tahoron niya ang iyang amahan.