I-click bisan asa aron mobukas
  • Summa Theologica
    SUMMA THEOLOGICA
    St. Thomas Aquinas, O.P.
    2-Volume Edition

    USA SA PINAKABILILHON NGA MGA OBRA SA KATOLIKONG TEOLOHIYA
    Ang Summa Theologica ni St. Thomas Aquinas usa sa labing maimpluwensiyang theological ug philosophical works sa kasaysayan sa Simbahang Katolika. Pinaagi sa sistematikong pagpangatarungan, Kasulatan, mga Church Fathers, ug pilosopiya, gipatin-aw ni St. Thomas ang daghang dagkong pangutana mahitungod sa Dios, tawo, moralidad, grasya, balaod, pagtuo, ug kaluwasan.

    Kini nga 2-Volume Edition usa ka bililhon nga reference alang sa seryosong pagtuon sa Catholic Theology ug Catholic Philosophy.

    UNSAY MAKITA SA LIBRO?
    Naglakip ang Summa Theologica sa mga hilisgutan sama sa:
    Dios ug Iyang mga kinaiya
    Creation ug ang tawo
    Human acts ug katuyoan sa kinabuhi
    Kalipay ug katapusang tumong sa tawo
    Passions, habits, virtues ug vices
    Sala ug moralidad
    Natural Law ug Divine Law
    Grasya ug kaluwasan
    Pagtoo, gugma ug mga moral virtues
    Kristohanong kinabuhi ug pagsunod kang Cristo
    Ang eksaktong pagbahin sa mga topiko mahimong magkalahi depende sa publisher ug physical edition.

    KINSA ANG ANGAY MOBASA?
    Mga pari ug deacons
    Mga seminarista ug religious
    Mga estudyante sa Philosophy ug Theology
    Mga catechist ug Catholic educators
    Mga Catholic apologists ug researchers
    Mga magtutudlo ug faith-formation leaders
    Mga Katolikong gustong molalom sa ilang Pagtoo
    Mga interesado sa relasyon tali sa Faith, Reason ug Philosophy

    MGA KATUYOAN SA LIBRO
    Ang Summa Theologica makatabang sa magbabasa sa:
    Pagpalalom sa pagsabot sa Catholic Theology.
    Pagkonektar sa pagtuo ug rason.
    Pagsabot sa mga pundasyon sa Christian Morality.
    Pagtuon sa law, grace, virtue, sin ug human action.
    Pagpalig-on sa philosophical ug theological reasoning.
    Pagpangita og lig-on nga reference alang sa Catholic apologetics ug theological research.

    NGANONG IMPORTANTE KINI?
    Si St. Thomas Aquinas usa sa labing bantugang theologians ug Doctors of the Church. Ang iyang pamaagi nagpakita nga ang pagtuo ug hustong paggamit sa rason dili kinahanglan magkasumpaki, kondili makatabang sa usag usa sa pagpangita sa kamatuoran.

    Ang Summa Theologica dili libro nga kinahanglan basahon dayon gikan sa unang pahina hangtod sa kataposan. Kini usa ka reference work nga mahimong balikan pag-usab ug pag-usab kung adunay pangutana bahin sa Dios, tawo, moralidad, grasya, ug Kristohanong kinabuhi.

    PARA SA SERIYOSONG PAGTUON SA PAGTOO
    Kung gusto nimong masabtan dili lamang kung unsay gitudlo sa Katolikong Pagtoo, kondili nganong makatarunganon kini, ang Summa Theologica usa sa mga importanteng obra nga angay mailhan.

    TUONI ANG TEOLOHIYA.
    PANGATARAUNGAN ANG PAGTOO.
    PANGITAA ANG KAMATUORAN.

    SUMMA THEOLOGICA
    St. Thomas Aquinas, O.P. — 2 Volumes

    Usa ka dakong reference sa Catholic Theology, Philosophy, Morality, ug Apologetics.

0 comments:

Leave a Reply

Subscribe to: Post Comments (Atom)
Tulo ka hinungdanong pangutana nga dili nato matubag kon Biblia lamang ang atong saligan.

Una – Giunsa man nato paghibalo sa sakto nga ihap (canon) sa mga basahon sa Biblia? Sa wala pa himoa ang pagtapok sa mga basahon sa Bag-ong Tugon daghang mga basahon nga Kristohanon nga gipakaylap. Kinsa man ang nagpaila kanato sa 27 ka libro sa Bag-ong Tugon isip linamdagan? Walay lain kondili ang Simbahang Katoliko ubos sa paglamdag sa Espiritu Santo pinaagi sa Konsilyo sa Kartago sa tuig 397 AD human sa pag-aprobar sa Santo Papa mipakanaog sa mahukumon gayod ug alang sa tanang panahon kon unsang mga basahona ang maapil sa Biblia ug unsa ang dili. Ang unang mga sinulat dugay na nga nangahanaw. Ang ania kanato karon mao ang kopya sa kopya sa orihinal. Kinsa man ang nag-garantiya nga husto ug matinud-anon ang teksto sa kopya? Ang Simbahang Katoliko pinasikad sa iyang karaang Tradisyon, diha sa iyang panudlo ug sa iyang liturhiya masayod kon unsa ang matuod nga teksto ug unsa ang sayop.

Ikaduha - Giunsa man nato paghibalo nga sakto ang pagkahubad sanglit daghan kanato, ang atong gigamit nga Bibliang hubad “translation” gikan sa Hebreo, Griego, ug Aramaico? Aron pagpiho sa husto nga hubad sa atong kaugalingon kinahanglan pa nga magtuon kita sa orihinal nga pinulongan ug pipila man kanato ang makahimo niining malisod nga tahas? Sa makausa pa, kinahanglan nga mosandig kita sa autoridad sa Simbahan.

Ikatulo - Giunsa man nato pagsiguro nga husto ang atong pagsabot kun interpretasyon sa atong gibasa? Ang matag pastor nga tigtukod og bag-ong tinuhoan pulos gyod moangkon nga ang ilang sabot maoy husto apan wala silay panagkauyon kon unsa gyod ang gipasabot sa letra sa Kasulatan. Alang sa mga Katoliko ang dili masayop nga autoridad sa Simbahan nga tinukod ni Cristo ang maghatag kaniyag kasigurohan nga ang iyang nadawat mao ang lonsay nga pulong sa Dios nga walay sambog sa kasaypanan gumikan sa tawhanong panabot.
Ang Simbahan gihatagan ni Cristo sa bugtong katungod sa pagtudlo ug paghubad sa diosnong gipadayag nga nakarga sa Biblia nga mao ang diosnong gipadayag nga nasulat ug sa Tradisyon nga mao ang diosnong gipadayag nga wala na masulat ug nahipasa pinaagi sa binaba nga panudlo.

Ang Simbahan wala magkuha sa hingpit nga kasigurohan sa tanan nga gipadayag sa Dios gikan sa Biblia lamang kondili gikan sa duha ka tinubdan nga mao ang Biblia ug ang Tradisyon.

Ang Biblia ug ang Tradisyon angay nga hatagan sa samang pagtagad isip sudlanan sa pulong sa Dios. Ang katungod sa pagkadili-masayop sa pagpanudlo labot sa kinahanglan alang sa kaluwasan sa tawo wala isaad ni Cristo ngadto sa matag magbabasa sa Biblia kondili ngadto sa buhi nga autoridad sa Simbahan nga gitawag og “Magisterium” nga gilangkoban sa Sto. Papa ug sa tanang kaobispohan nga nahiusa sa Sto. Papa.
Ang Biblia naghisgot sa tulo ka matang sa tradisyon.

Una - sa mga Patriarca, “ug ang akong mga pulong nga gipasulti ko kaninyo, dili gayod mawala diha sa inyong baba ni sa baba sa inyong mga anak ug mga apo sukad karon ug hangtod sa kahangtoran” (Isa. 59:21).

Ikaduha - sa mga Apostoles, si San Pablo nag-awhag, “mga igsoon hupti ninyo nga malig-on ang mga pagtulon-an nga among gitudlo kaninyo pinaagi sa among mga sulat o sa among tradisyon” (2 Tes. 2:15) ug siya usab nagpahimangno, likayi ninyo kadtong dili modawat sa atong tradisyon” (2 Tes. 3:6).

Ikatulo - sa mga Judio, nga mao ang gisaway ni Cristo sa Mat. 15:2-6 tungod kay sila nagtudlo nga kon ang usa ka tawo may ikatabang unta sa iyang amahan o inahan, apan siya moingon, “iya kini sa Dios”, dili na kinahanglan nga tahoron niya ang iyang amahan.