I-click bisan asa aron mobukas
  • The Sources of Catholic Dogma


    Ang Kasaysayan ug Mga Tinubdan sa Opisyal nga Pagpahayag sa Pagtoo sa Simbahang Katolika

    Ang The Sources of Catholic Dogma usa ka importante nga koleksiyon sa mga dokumento ug pahayag sa Magisterium sa Simbahang Katolika nga nagpakita kung giunsa pagpahayag, pagpanalipod, ug pagpalawom sa Simbahan ang iyang mga pagtulon-an sa pagtoo ug moralidad.

    Naglangkob kini sa mga creed, dogmatic definitions, decrees sa mga konseho, papal teachings, ug uban pang importanteng dokumento nga nahimong bahin sa kasaysayan sa Catholic Doctrine.

    Kini nga libro usa ka bililhon nga reference alang sa mga gustong mosubay sa historical ug doctrinal foundations sa Katolikong Pagtoo—dili lamang pinaagi sa mga summary, kondili pinaagi sa mga tinubdan mismo.

    KINSA ANG ANGAY MOBASA?

    • Mga pari ug deacons
    • Mga seminarista ug religious
    • Mga theology ug philosophy students
    • Mga catechist ug Catholic educators
    • Mga Catholic apologetics researchers
    • Mga magtutudlo ug Bible study leaders
    • Mga Katolikong gustong mas lawom nga makaila sa ilang Pagtoo
    • Mga researchers sa Church History ug Catholic Doctrine

    MGA KATUYOAN SA LIBRO

    Ang libro makatabang sa magbabasa nga:

    • Masabtan ang kasaysayan sa mga pagtulon-an sa Simbahan.
    • Mailhan ang mga dokumento nga gigamit sa pagpahayag ug pagpanalipod sa Catholic Doctrine.
    • Masubay ang pagpalambo ug pagklaro sa mga doktrina sa nagkalain-laing panahon.
    • Masabtan ang papel sa Ecumenical Councils ug mga Santo Papa sa pagtudlo sa Pagtoo.
    • Makakita og lig-on nga primary sources alang sa Catholic apologetics ug theological research.
    • Makaila sa kalainan tali sa personal nga opinyon ug sa opisyal nga pagtulon-an sa Magisterium.

    NGANONG IMPORTANTE KINI?

    Kung gusto nimong masabtan nganong ingon niini ang gitudlo sa Simbahang Katolika, importante nga dili lamang mangita og mga tubag sa modernong libro, kondili mosubay usab sa mga dokumento ug pahayag nga maoy pundasyon sa Catholic Doctrine.

    Ang The Sources of Catholic Dogma makatabang kanimo sa pagtan-aw kung giunsa pagpreserbar, pagdepensa, ug pagpasabot sa Simbahan ang deposit of faith gikan sa unang mga siglo sa Kristiyanismo hangtod sa mga ulahing panahon.

    USA KA BILILHON NGA REFERENCE SA CATHOLIC APOLOGETICS

    Alang sa usa ka Catholic apologist, researcher, catechist, o seryosong estudyante sa Pagtoo, kini nga libro usa ka importante nga reference sa pagpangita sa historical ug doctrinal evidence bahin sa mga pagtulon-an sa Simbahan.

    Ayaw lamang pangutana kung unsay gitudlo sa Simbahan.
    Tan-awa usab ang mga tinubdan nga nagpakita kung giunsa kini gipahayag ug gipanalipdan.

    THE SOURCES OF CATHOLIC DOGMA

    Mga Tinubdan sa Kasaysayan ug Opisyal nga Pagpahayag sa Katolikong Pagtoo

    HIBALOA ANG MGA TINUBDAN. SABTA ANG DOKTRINA. PALIG-ONA ANG PAGTOO.


    DOWNLOAD FREE PDF NOW

0 comments:

Leave a Reply

Subscribe to: Post Comments (Atom)
Tulo ka hinungdanong pangutana nga dili nato matubag kon Biblia lamang ang atong saligan.

Una – Giunsa man nato paghibalo sa sakto nga ihap (canon) sa mga basahon sa Biblia? Sa wala pa himoa ang pagtapok sa mga basahon sa Bag-ong Tugon daghang mga basahon nga Kristohanon nga gipakaylap. Kinsa man ang nagpaila kanato sa 27 ka libro sa Bag-ong Tugon isip linamdagan? Walay lain kondili ang Simbahang Katoliko ubos sa paglamdag sa Espiritu Santo pinaagi sa Konsilyo sa Kartago sa tuig 397 AD human sa pag-aprobar sa Santo Papa mipakanaog sa mahukumon gayod ug alang sa tanang panahon kon unsang mga basahona ang maapil sa Biblia ug unsa ang dili. Ang unang mga sinulat dugay na nga nangahanaw. Ang ania kanato karon mao ang kopya sa kopya sa orihinal. Kinsa man ang nag-garantiya nga husto ug matinud-anon ang teksto sa kopya? Ang Simbahang Katoliko pinasikad sa iyang karaang Tradisyon, diha sa iyang panudlo ug sa iyang liturhiya masayod kon unsa ang matuod nga teksto ug unsa ang sayop.

Ikaduha - Giunsa man nato paghibalo nga sakto ang pagkahubad sanglit daghan kanato, ang atong gigamit nga Bibliang hubad “translation” gikan sa Hebreo, Griego, ug Aramaico? Aron pagpiho sa husto nga hubad sa atong kaugalingon kinahanglan pa nga magtuon kita sa orihinal nga pinulongan ug pipila man kanato ang makahimo niining malisod nga tahas? Sa makausa pa, kinahanglan nga mosandig kita sa autoridad sa Simbahan.

Ikatulo - Giunsa man nato pagsiguro nga husto ang atong pagsabot kun interpretasyon sa atong gibasa? Ang matag pastor nga tigtukod og bag-ong tinuhoan pulos gyod moangkon nga ang ilang sabot maoy husto apan wala silay panagkauyon kon unsa gyod ang gipasabot sa letra sa Kasulatan. Alang sa mga Katoliko ang dili masayop nga autoridad sa Simbahan nga tinukod ni Cristo ang maghatag kaniyag kasigurohan nga ang iyang nadawat mao ang lonsay nga pulong sa Dios nga walay sambog sa kasaypanan gumikan sa tawhanong panabot.
Ang Simbahan gihatagan ni Cristo sa bugtong katungod sa pagtudlo ug paghubad sa diosnong gipadayag nga nakarga sa Biblia nga mao ang diosnong gipadayag nga nasulat ug sa Tradisyon nga mao ang diosnong gipadayag nga wala na masulat ug nahipasa pinaagi sa binaba nga panudlo.

Ang Simbahan wala magkuha sa hingpit nga kasigurohan sa tanan nga gipadayag sa Dios gikan sa Biblia lamang kondili gikan sa duha ka tinubdan nga mao ang Biblia ug ang Tradisyon.

Ang Biblia ug ang Tradisyon angay nga hatagan sa samang pagtagad isip sudlanan sa pulong sa Dios. Ang katungod sa pagkadili-masayop sa pagpanudlo labot sa kinahanglan alang sa kaluwasan sa tawo wala isaad ni Cristo ngadto sa matag magbabasa sa Biblia kondili ngadto sa buhi nga autoridad sa Simbahan nga gitawag og “Magisterium” nga gilangkoban sa Sto. Papa ug sa tanang kaobispohan nga nahiusa sa Sto. Papa.
Ang Biblia naghisgot sa tulo ka matang sa tradisyon.

Una - sa mga Patriarca, “ug ang akong mga pulong nga gipasulti ko kaninyo, dili gayod mawala diha sa inyong baba ni sa baba sa inyong mga anak ug mga apo sukad karon ug hangtod sa kahangtoran” (Isa. 59:21).

Ikaduha - sa mga Apostoles, si San Pablo nag-awhag, “mga igsoon hupti ninyo nga malig-on ang mga pagtulon-an nga among gitudlo kaninyo pinaagi sa among mga sulat o sa among tradisyon” (2 Tes. 2:15) ug siya usab nagpahimangno, likayi ninyo kadtong dili modawat sa atong tradisyon” (2 Tes. 3:6).

Ikatulo - sa mga Judio, nga mao ang gisaway ni Cristo sa Mat. 15:2-6 tungod kay sila nagtudlo nga kon ang usa ka tawo may ikatabang unta sa iyang amahan o inahan, apan siya moingon, “iya kini sa Dios”, dili na kinahanglan nga tahoron niya ang iyang amahan.