I-click bisan asa aron mobukas
  • On the Trinity


    De Trinitate


    St. Augustine of Hippo


    Gusto ba nimong mas sabton ug palawmon ang usa sa labing dako nga misteryo sa atong Pagtoong Katoliko—ang Misteryo sa Balaan nga Trinidad?


    Ang "On the Trinity" (De Trinitate) nga gisulat sa dakong Santo ug Doktor sa Simbahan nga si St. Augustine sa Hippo, maoy usa sa labing importante ug pinakalawom nga giya bahin sa kinaiyahan sa Dios nga Bananal nga Trinidad: ang Amahan, ang Anak, ug ang Espiritu Santo—usa ka Dios sa tulo ka Persona.


    Unsay Makuha Nimo Diri sa Libro?


    Pagtudlo gikan sa Banal nga Kasulatan: Giusisa ug gipamatud-an ni St. Augustine ang doktrina sa Trinidad pinaagi sa mga bersikulo sa Biblia aron ipakita nga ang tulo ka Persona managsama ug usa ra sa pagka-Dios.


    Pilosopikanhon ug Espirituhanong Pagpasabot: Naggamit ang Santo ug mga pananglitan gikan sa hunahuna ug kasingkasing sa tawo (slogan ang maugmaon, pagsabot, ug gugma) aron ipasabot kon giunsa pagpakita sa Dios ang Iyang hulagway sa atong kalingawan.


    Panalipod sa Kamatuoran: Naghatag kini ug tin-aw nga tubag ug depensa batok sa mga sayop nga pagtulun-an ug heresiya bahin sa Banal nga Trinidad.


    Kini nga libro usa ka bililhong bahandi alang sa bisan kinsang gustong magpalawom sa pagtuo, pag-ampo, ug sa iyang personal nga relasyon sa Usa ug Tulo ka Dios.


    I-download ang Libreng Kopya (PDF)


    Aron makatabang sa imong personal nga pagtuon ug pagnilay-nilay, gipaambit namo kini nga libre aron ma-download ug mabasa nimo bisan unsang oras.


    [ [ I-CLICK DIRI ARON I-DOWNLOAD ANG LIBRO ] ]


    Google Drive




0 comments:

Leave a Reply

Subscribe to: Post Comments (Atom)
Tulo ka hinungdanong pangutana nga dili nato matubag kon Biblia lamang ang atong saligan.

Una – Giunsa man nato paghibalo sa sakto nga ihap (canon) sa mga basahon sa Biblia? Sa wala pa himoa ang pagtapok sa mga basahon sa Bag-ong Tugon daghang mga basahon nga Kristohanon nga gipakaylap. Kinsa man ang nagpaila kanato sa 27 ka libro sa Bag-ong Tugon isip linamdagan? Walay lain kondili ang Simbahang Katoliko ubos sa paglamdag sa Espiritu Santo pinaagi sa Konsilyo sa Kartago sa tuig 397 AD human sa pag-aprobar sa Santo Papa mipakanaog sa mahukumon gayod ug alang sa tanang panahon kon unsang mga basahona ang maapil sa Biblia ug unsa ang dili. Ang unang mga sinulat dugay na nga nangahanaw. Ang ania kanato karon mao ang kopya sa kopya sa orihinal. Kinsa man ang nag-garantiya nga husto ug matinud-anon ang teksto sa kopya? Ang Simbahang Katoliko pinasikad sa iyang karaang Tradisyon, diha sa iyang panudlo ug sa iyang liturhiya masayod kon unsa ang matuod nga teksto ug unsa ang sayop.

Ikaduha - Giunsa man nato paghibalo nga sakto ang pagkahubad sanglit daghan kanato, ang atong gigamit nga Bibliang hubad “translation” gikan sa Hebreo, Griego, ug Aramaico? Aron pagpiho sa husto nga hubad sa atong kaugalingon kinahanglan pa nga magtuon kita sa orihinal nga pinulongan ug pipila man kanato ang makahimo niining malisod nga tahas? Sa makausa pa, kinahanglan nga mosandig kita sa autoridad sa Simbahan.

Ikatulo - Giunsa man nato pagsiguro nga husto ang atong pagsabot kun interpretasyon sa atong gibasa? Ang matag pastor nga tigtukod og bag-ong tinuhoan pulos gyod moangkon nga ang ilang sabot maoy husto apan wala silay panagkauyon kon unsa gyod ang gipasabot sa letra sa Kasulatan. Alang sa mga Katoliko ang dili masayop nga autoridad sa Simbahan nga tinukod ni Cristo ang maghatag kaniyag kasigurohan nga ang iyang nadawat mao ang lonsay nga pulong sa Dios nga walay sambog sa kasaypanan gumikan sa tawhanong panabot.
Ang Simbahan gihatagan ni Cristo sa bugtong katungod sa pagtudlo ug paghubad sa diosnong gipadayag nga nakarga sa Biblia nga mao ang diosnong gipadayag nga nasulat ug sa Tradisyon nga mao ang diosnong gipadayag nga wala na masulat ug nahipasa pinaagi sa binaba nga panudlo.

Ang Simbahan wala magkuha sa hingpit nga kasigurohan sa tanan nga gipadayag sa Dios gikan sa Biblia lamang kondili gikan sa duha ka tinubdan nga mao ang Biblia ug ang Tradisyon.

Ang Biblia ug ang Tradisyon angay nga hatagan sa samang pagtagad isip sudlanan sa pulong sa Dios. Ang katungod sa pagkadili-masayop sa pagpanudlo labot sa kinahanglan alang sa kaluwasan sa tawo wala isaad ni Cristo ngadto sa matag magbabasa sa Biblia kondili ngadto sa buhi nga autoridad sa Simbahan nga gitawag og “Magisterium” nga gilangkoban sa Sto. Papa ug sa tanang kaobispohan nga nahiusa sa Sto. Papa.
Ang Biblia naghisgot sa tulo ka matang sa tradisyon.

Una - sa mga Patriarca, “ug ang akong mga pulong nga gipasulti ko kaninyo, dili gayod mawala diha sa inyong baba ni sa baba sa inyong mga anak ug mga apo sukad karon ug hangtod sa kahangtoran” (Isa. 59:21).

Ikaduha - sa mga Apostoles, si San Pablo nag-awhag, “mga igsoon hupti ninyo nga malig-on ang mga pagtulon-an nga among gitudlo kaninyo pinaagi sa among mga sulat o sa among tradisyon” (2 Tes. 2:15) ug siya usab nagpahimangno, likayi ninyo kadtong dili modawat sa atong tradisyon” (2 Tes. 3:6).

Ikatulo - sa mga Judio, nga mao ang gisaway ni Cristo sa Mat. 15:2-6 tungod kay sila nagtudlo nga kon ang usa ka tawo may ikatabang unta sa iyang amahan o inahan, apan siya moingon, “iya kini sa Dios”, dili na kinahanglan nga tahoron niya ang iyang amahan.