I-click bisan asa aron mobukas
  • Nabanhaw? o Gibanhaw.


    Nabanhaw ba si Jesus? o Gibanhaw.

    Bro Alwele Pojas


    1. "Nabanhaw si Jesus" (Jesus rose)

    Kini nagpasabot nga si Jesus mismo mibangon gikan sa kamatayon.


    Pananglitan:

    Marcos 16:6, Lucas 24:6 – "Nabanhaw siya, Wala siya dinhi."

    Juan 10:18 – Walay makahimo pagpatay kanako. Ang akong kinabuhi ihatag ko sa kaugalingon kong pagbuot. Mahimo ko ang paghalad sa akong kinabuhi ug mahimo ko usab ang pagbawi niini. Mao kini ang gisugo kanako sa akong Amahan.


    Mao kini ang kasagarang gisulti sa Simbahan sa Pasko sa Pagkabanhaw: "Si Kristo nabanhaw!"


    2. "Gibanhaw si Jesus" (Jesus was raised)

    Kini nagpasabot nga ang Amahan mibanhaw kang Jesus pinaagi sa gahom sa Balaang Espiritu.


    Pananglitan:

    Buhat 2:24, Roma 10:9 – Gibanhaw si Cristo sa Dios

    Roma 8:11, Roma 1:4 – Espiritu sa Dios nagbanhaw kang Cristo

    Galacia 1:1 – Dios Amahan nagbanhaw kang Cristo.

    Unsa man gyod ang sakto sa Katolikong pagtulon-an?


    Pareho silang tinood.


    Ang Catechism of the Catholic Church (CCC 648–650) nagtudlo nga ang Pagkabanhaw usa ka buhat sa Tulo ka Persona sa Santisima Trinidad:


    Ang Amahan mibanhaw sa Anak.

    Ang Anak mibangon pinaagi sa Iyang kaugalingong gahom.

    Ang Balaang Espiritu usab naglihok sa buhat sa pagkabanhaw.


    Mao nga ang Biblia makasulti ug:

    "God raised Jesus." (Acts 2:24)

    "I lay down my life... I have power to take it up again." (John 10:17–18)

    "Destroy this temple, and in three days I will raise it up." (John 2:19–21)


    Busa, kung duhnay mangutana,

    "Nabanhaw ba si Jesus o gibanhaw?"


    Ang pinakatukmang tubag sa Katolikong teolohiya mao:


    Pareho: Nabanhaw si Jesus pinaagi sa Iyang kaugalingong balaang gahom isip Dios, ug gibanhaw usab Siya sa Amahan pinaagi sa gahom sa Balaang Espiritu.


    Ang Pagkabanhaw usa ka buhat sa usa ka Dios sa tulo ka Persona.

0 comments:

Leave a Reply

Subscribe to: Post Comments (Atom)
Tulo ka hinungdanong pangutana nga dili nato matubag kon Biblia lamang ang atong saligan.

Una – Giunsa man nato paghibalo sa sakto nga ihap (canon) sa mga basahon sa Biblia? Sa wala pa himoa ang pagtapok sa mga basahon sa Bag-ong Tugon daghang mga basahon nga Kristohanon nga gipakaylap. Kinsa man ang nagpaila kanato sa 27 ka libro sa Bag-ong Tugon isip linamdagan? Walay lain kondili ang Simbahang Katoliko ubos sa paglamdag sa Espiritu Santo pinaagi sa Konsilyo sa Kartago sa tuig 397 AD human sa pag-aprobar sa Santo Papa mipakanaog sa mahukumon gayod ug alang sa tanang panahon kon unsang mga basahona ang maapil sa Biblia ug unsa ang dili. Ang unang mga sinulat dugay na nga nangahanaw. Ang ania kanato karon mao ang kopya sa kopya sa orihinal. Kinsa man ang nag-garantiya nga husto ug matinud-anon ang teksto sa kopya? Ang Simbahang Katoliko pinasikad sa iyang karaang Tradisyon, diha sa iyang panudlo ug sa iyang liturhiya masayod kon unsa ang matuod nga teksto ug unsa ang sayop.

Ikaduha - Giunsa man nato paghibalo nga sakto ang pagkahubad sanglit daghan kanato, ang atong gigamit nga Bibliang hubad “translation” gikan sa Hebreo, Griego, ug Aramaico? Aron pagpiho sa husto nga hubad sa atong kaugalingon kinahanglan pa nga magtuon kita sa orihinal nga pinulongan ug pipila man kanato ang makahimo niining malisod nga tahas? Sa makausa pa, kinahanglan nga mosandig kita sa autoridad sa Simbahan.

Ikatulo - Giunsa man nato pagsiguro nga husto ang atong pagsabot kun interpretasyon sa atong gibasa? Ang matag pastor nga tigtukod og bag-ong tinuhoan pulos gyod moangkon nga ang ilang sabot maoy husto apan wala silay panagkauyon kon unsa gyod ang gipasabot sa letra sa Kasulatan. Alang sa mga Katoliko ang dili masayop nga autoridad sa Simbahan nga tinukod ni Cristo ang maghatag kaniyag kasigurohan nga ang iyang nadawat mao ang lonsay nga pulong sa Dios nga walay sambog sa kasaypanan gumikan sa tawhanong panabot.
Ang Simbahan gihatagan ni Cristo sa bugtong katungod sa pagtudlo ug paghubad sa diosnong gipadayag nga nakarga sa Biblia nga mao ang diosnong gipadayag nga nasulat ug sa Tradisyon nga mao ang diosnong gipadayag nga wala na masulat ug nahipasa pinaagi sa binaba nga panudlo.

Ang Simbahan wala magkuha sa hingpit nga kasigurohan sa tanan nga gipadayag sa Dios gikan sa Biblia lamang kondili gikan sa duha ka tinubdan nga mao ang Biblia ug ang Tradisyon.

Ang Biblia ug ang Tradisyon angay nga hatagan sa samang pagtagad isip sudlanan sa pulong sa Dios. Ang katungod sa pagkadili-masayop sa pagpanudlo labot sa kinahanglan alang sa kaluwasan sa tawo wala isaad ni Cristo ngadto sa matag magbabasa sa Biblia kondili ngadto sa buhi nga autoridad sa Simbahan nga gitawag og “Magisterium” nga gilangkoban sa Sto. Papa ug sa tanang kaobispohan nga nahiusa sa Sto. Papa.
Ang Biblia naghisgot sa tulo ka matang sa tradisyon.

Una - sa mga Patriarca, “ug ang akong mga pulong nga gipasulti ko kaninyo, dili gayod mawala diha sa inyong baba ni sa baba sa inyong mga anak ug mga apo sukad karon ug hangtod sa kahangtoran” (Isa. 59:21).

Ikaduha - sa mga Apostoles, si San Pablo nag-awhag, “mga igsoon hupti ninyo nga malig-on ang mga pagtulon-an nga among gitudlo kaninyo pinaagi sa among mga sulat o sa among tradisyon” (2 Tes. 2:15) ug siya usab nagpahimangno, likayi ninyo kadtong dili modawat sa atong tradisyon” (2 Tes. 3:6).

Ikatulo - sa mga Judio, nga mao ang gisaway ni Cristo sa Mat. 15:2-6 tungod kay sila nagtudlo nga kon ang usa ka tawo may ikatabang unta sa iyang amahan o inahan, apan siya moingon, “iya kini sa Dios”, dili na kinahanglan nga tahoron niya ang iyang amahan.