Mga Henerasyon: Gikan kan Adan Hangtod kan Noe
1 Mao kini ang talaan sa mga kaliwat ni Adan. Sa paghimo sa Dios sa tawo, gihimo niya sila sumala sa dagway sa Dios; 2 gihimo niya sila nga lalaki ug babaye. Sa adlaw nga gihimo sila, gipanalanginan sila sa Dios ug gihinganlan sila og "Tawo."
3 Sa nag-edad si Adan og 130 ka tuig, nakanayon siya og usa ka anak nga lalaki nga sama sa iyang kaugalingong dagway ug hiyas; ug gihinganlan niya kini og Set.
4 Human matawo si Set, nabuhi pa si Adan og 800 ka tuig ug nakabaton pa og ubang mga anak nga lalaki ug babaye.
5 Ang tibuok katas-on sa kinabuhi ni Adan miabot og 930 ka tuig; ug unya namatay siya.
6 Sa nag-edad si Set og 105 ka tuig, nanganak siya kan Enos.
7 Human matawo si Enos, nabuhi pa si Set og 807 ka tuig ug nakabaton pa og ubang mga anak nga lalaki ug babaye.
8 Ang tibuok katas-on sa kinabuhi ni Set miabot og 912 ka tuig; ug unya namatay siya.
9 Sa nag-edad si Enos og 90 ka tuig, nanganak siya kan Kenan.
10 Human matawo si Kenan, nabuhi pa si Enos og 815 ka tuig ug nakabaton pa og ubang mga anak nga lalaki ug babaye.
11 Ang tibuok katas-on sa kinabuhi ni Enos miabot og 905 ka tuig; ug unya namatay siya.
12 Sa nag-edad si Kenan og 70 ka tuig, nanganak siya kan Mahalalel.
13 Human matawo si Mahalalel, nabuhi pa si Kenan og 840 ka tuig ug nakabaton pa og ubang mga anak nga lalaki ug babaye.
14 Ang tibuok katas-on sa kinabuhi ni Kenan miabot og 910 ka tuig; ug unya namatay siya.
15 Sa nag-edad si Mahalalel og 65 ka tuig, nanganak siya kan Jared.
16 Human matawo si Jared, nabuhi pa si Mahalalel og 830 ka tuig ug nakabaton pa og ubang mga anak nga lalaki ug babaye.
17 Ang tibuok katas-on sa kinabuhi ni Mahalalel miabot og 895 ka tuig; ug unya namatay siya.
18 Sa nag-edad si Jared og 162 ka tuig, nanganak siya kan Enoc.
19 Human matawo si Enoc, nabuhi pa si Jared og 800 ka tuig ug nakabaton pa og ubang mga anak nga lalaki ug babaye.
20 Ang tibuok katas-on sa kinabuhi ni Jared miabot og 962 ka tuig; ug unya namatay siya.
21 Sa nag-edad si Enoc og 65 ka tuig, nanganak siya kan Matusalem.
22 Human matawo si Matusalem, si Enoc naglakaw uban sa Dios sulod sa 300 ka tuig, ug nakabaton pa og ubang mga anak nga lalaki ug babaye.
23 Ang tibuok katas-on sa kinabuhi ni Enoc miabot og 365 ka tuig.
24 Si Enoc naglakaw uban sa Dios; ug nawala siya tungod kay gikuha man siya sa Dios.
25 Sa nag-edad si Matusalem og 187 ka tuig, nanganak siya kan Lamec.
26 Human matawo si Lamec, nabuhi pa si Matusalem og 782 ka tuig ug nakabaton pa og ubang mga anak nga lalaki ug babaye.
27 Ang tibuok katas-on sa kinabuhi ni Matusalem miabot og 969 ka tuig; ug unya namatay siya.
28 Sa nag-edad si Lamec og 182 ka tuig, nanganak siya og usa ka anak nga lalaki,
29 ug gihinganlan niya kini og Noe, nga nag-ingon, “Kini nga anak maoy maghatag kanatog kahupayan gikan sa atong buhat ug sa kabudlay sa atong mga kamot diha sa yuta nga gipanghimaraot sa GINOO.”
30 Human matawo si Noe, nabuhi pa si Lamec og 595 ka tuig ug nakabaton pa og ubang mga anak nga lalaki ug babaye.
31 Ang tibuok katas-on sa kinabuhi ni Lamec miabot og 777 ka tuig; ug unya namatay siya.
32 Sa nag-edad si Noe og 500 ka tuig, nahimo siyang amahan nina Sem, Ham, ug Japet.
0 comments: