Mga Sikat nga Sayop sa Pag-imprinta sa King James Bible
Ang King James Version (KJV) usa sa labing iladong English translations sa Biblia. Apan sama sa ubang dagkong proyekto sa pag-imprinta, adunay mga kopya sa KJV nga nakasulod ang lain-laing typographical errors o mga sayop sa pag-imprinta.
Ang ubang sayop gamay ra—sama sa usa ka letra nga nausab. Apan adunay mga sayop nga nakapausab sa kahulogan sa tibuok bersikulo. Tungod niini, ang pipila ka mga edisyon nahimong bantogan ug gihatagan pa gani og kaugalingong mga ngalan.
The Blasphemous Comma Several editions: Luke 23:32 reads "And there were also two other malefactors [crucified with Jesus]." It should have read "And there were also two others,malefactors."
"Judas Bible", from 1611: This Bible has Judas, not Jesus, saying "Sit ye here while I go yonder and pray." (Matthew 26:36)
1. “Printers Bible” — 1612
Sa pipila ka kopya sa 1612 edition, ang Psalm 119:161 adunay sayop nga pag-imprinta.
Imbis nga:
“Princes have persecuted me without a cause”
nahimo kini nga:
“Printers have persecuted me without a cause.”
Ang pulong nga “Princes” (“mga prinsipe”) naimprinta isip “Printers” (“mga tig-imprinta”).
Tungod niini, gitawag kini sa ulahi nga “Printers Bible.”
2. “Judas Bible” — 1613
Sa maong kopya, si Judas ang gipakita nga nagsulti sa pulong nga angay unta kang Jesus:
“Sit ye here while I go yonder and pray.”
Tungod niini, gitawag kini nga “Judas Bible.”
Usa ka ikaduhang folio edition nga gi-imprinta ni Robert Barker, ang tig-imprinta ni King James I, anaa sa St. Mary's Church sa Totnes, Devon. Sa maong kopya, ang sayop nga ngalan nga “Judas” gitabonan sa usa ka gamay nga papel nga gipapilit ibabaw niini.
3. “Wicked Bible” — 1631
 |
Niadtong 1631, sa printing nga gi-associate kang Robert Barker ug Martin Lucas, nawala ang pulong nga “not” sa Exodus 20:14.
Ang hustong bersikulo mao:
“Thou shalt not commit adultery.”
Apan sa maong kopya nahimo kini nga:
“Thou shalt commit adultery.”
Busa, ang “Dili ka manghilawas” nahimong “Manghilawas ka.”
Tungod sa pagkawagtang sa usa lamang ka pulong—not—nabali ang kahulogan sa Seventh Commandment.
Tungod niini, gitawag ang maong edisyon nga:
- Wicked Bible
- Adulterous Bible
- Sinner's Bible
Ang mga tig-imprinta gipamulta og £300, ug kadaghanan sa mga kopya gipabalik ug gipangkolekta. Pipila lamang ka kopya ang nakalahutay hangtod karon.
Adunay usab laing seryosong sayop nga nalambigit sa maong printing, lakip ang sayop sa Deuteronomy 5:24, diin ang pulong nga “greatness” naimprinta sa sayop nga porma.
4. “More Sea Bible” — 1641
Sa Revelation 21:1, ang hustong teksto mao:
“...and the first heaven and the first earth were passed away; and there was no more sea.”
Apan sa usa ka 1641 printing, ang pulong nga “no” nawala.
Busa nahimo kini:
“...and there was more sea.”
Imbis nga “wala nay dagat,” nahimo kini nga “adunay daghan pang dagat.”
Tungod niini, gitawag kini nga “More Sea Bible.”
5. “Unrighteous Bible” o “Wicked Bible” — 1653
Niadtong 1653, usa ka Cambridge printing ang adunay pipila ka sayop nga nakaapekto sa kahulogan sa teksto.
Sa 1 Corinthians 6:9, nawala ang pulong nga “not.”
Ang hustong porma mao:
“Know ye not that the unrighteous shall not inherit the kingdom of God?”
Apan sa maong printing, nahimo kini nga:
“Know ye not that the unrighteous shall inherit the kingdom of God?”
Busa, ang pulong nga “not” nawala ug nabali ang kahulogan.
Aduna usab sayop sa Romans 6:13, diin ang “unrighteousness” naimprinta nga “righteousness.”
Tungod niini, kini nga edisyon gitawag usab nga “Unrighteous Bible” o “Wicked Bible.”
6. “Sin On Bible” — 1716
Sa Jeremiah 31:34, ang hustong pulong mao:
“...and I will remember their sin no more.”
Apan sa usa ka 1716 printing, ang pulong nga “no” naimprinta isip “on.”
Busa nahimo:
“...and I will remember their sin on more.”
Tungod niini, gitawag kini nga “Sin On Bible.”
7. “Vinegar Bible” — 1717
Niadtong 1717, usa ka KJV edition nga gi-imprinta ni John Baskett sa Clarendon Press adunay daghang typographical errors.
Usa sa labing bantog mao ang heading sa Luke 20.
Ang angay unta:
“The Parable of the Vineyard”
Apan naimprinta nga:
“The Parable of the Vinegar.”
Tungod niini, gitawag ang maong edisyon nga “Vinegar Bible.”
Tungod sa kadaghan sa mga sayop niini, adunay usa ka tig-review nga mipahayag nga kini usa ka “Baskett full of errors,” usa ka wordplay sa apelyido nga Baskett.
8. “Fools Bible” — 1763
Sa Psalm 14:1, ang hustong teksto mao:
“The fool hath said in his heart, There is no God.”
Apan sa usa ka 1763 printing, nawala ang pulong nga “no.”
Busa nahimo:
“The fool hath said in his heart, There is a God.”
Dako kaayo ang kalainan sa kahulogan.
Imbis nga:
“Wala'y Dios.”
nahimo:
“Adunay Dios.”
Tungod niini, gitawag kini nga “Fools Bible.”
Ang mga tig-imprinta gipamulta og £3,000, ug gimandoan nga laglagon ang mga kopya.
9. “Killer Bible” — 1795
Sa Mark 7:27, ang hustong pulong mao:
“Let the children first be filled...”
Apan sa usa ka 1795 edition, ang pulong nga “filled” naimprinta isip “killed.”
Busa nahimo:
“Let the children first be killed.”
Ang sayop nga usa ka pulong nakahatag og hilabihan ka lahi ug makalilisang nga kahulogan.
Tungod niini, gitawag kini nga “Killer Bible.”
"Denial Bible", from 1792: The name Philip is substituted for Peter as the apostle who would deny Jesus in Luke 22:34.
10. “Murderer's Bible” — 1801
Sa Jude 16, ang pulong nga angay unta mao:
“These are murmurers, complainers...”
Apan sa 1801 printing, ang “murmurers” naimprinta isip “murderers.”
Busa nahimo:
“These are murderers, complainers...”
Tungod niini, gitawag kini nga “Murderer's Bible.”
"Lions Bible", from 1804: 1 Kings 8:19 reads "thy son that shall come forth out of thy lions", rather than "loins". This edition had another error in Numbers 25:18 which read: "The murderer shall surely be put together" rather than "...put to death".
11. “To-remain Bible” — 1805
Sa Galatians 4:29, adunay usa ka makaiikag nga sayop nga nahitabo dili lamang tungod sa typo, kondili tungod sa proofreading process.
Adunay proofreader nga nagsulat sa margin og “to remain” isip nota mahitungod sa punctuation—kung ang usa ka comma tangtangon ba o dili.
Apan sa ulahi, ang maong marginal note nasulod mismo sa printed text.
Busa ang bersikulo nahimong adunay dugang nga mga pulong:
“...persecuted him that was born after the Spirit to remain, even so it is now.”
Tungod niini, gitawag kini nga “To-remain Bible.”
12. “Discharge Bible” — 1806
Sa 1 Timothy 5:21, ang hustong teksto nagsugod:
“I charge thee before God, and the Lord Jesus Christ, and the elect angels…”
Apan sa usa ka 1806 edition, ang pulong nga “charge” naimprinta isip “discharge.”
Busa nahimo:
“I discharge thee before God, and the Lord Jesus Christ, and the elect angels…”
Ang “charge” dinhi adunay kahulogan nga mandoan, pasidan-an, o hugot nga ipasunod, samtang ang “discharge” adunay lahi nga kahulogan sama sa pagpagawas, pagluwas gikan sa obligasyon, o pagtangtang sa usa ka katungdanan.
Tungod niini, gitawag ang maong edisyon nga “Discharge Bible.”
13. “Standing Fishes Bible” — 1806
Sa Ezekiel 47:10, ang teksto adunay pulong nga “fishers”.
Apan sa usa ka 1806 printing, ang “fishers” naimprinta isip “fishes.”
Busa ang teksto nahimong:
“...the fishes shall stand upon it...”
imbis nga:
“...the fishers shall stand upon it...”
Tungod niini, gitawag kini nga “Standing Fishes Bible.”
14. “Idle Shepherd” — 1809
Sa Zechariah 11:17, ang hustong pulong mao:
“Woe to the idol shepherd…”
Apan sa usa ka 1809 printing, ang pulong nga “idol” naimprinta isip “idle.”
Busa nahimo:
“Woe to the idle shepherd…”
Ang “idol shepherd” nagtumong sa diosdios nga magbalantay o usa ka shepherd nga nahimong hulagway sa usa ka walay pulos o dili matinud-anong magbalantay.
Apan tungod sa usa ka letra, nahimo kining “idle shepherd,” nga mahimong sabton nga tapolan o walay gibuhat nga magbalantay.
Tungod niini, nailhan kini nga “Idle Shepherd Bible.”
15. “Ears To Ear Bible” — 1810
Sa Matthew 13:43, ang hustong pahayag mao:
“He that hath ears to hear, let him hear.”
Apan sa usa ka 1810 edition, ang pulong nga “hear” sa unang bahin naimprinta isip “ear.”
Busa nahimo:
“Who has ears to ear, let him hear.”
Imbis nga:
“Ang adunay mga dalunggan nga makadungog, padungga siya.”
nahimo nga daw:
“Ang adunay mga dalunggan aron mahimong dalunggan…”
Tungod niini, gitawag ang maong edisyon nga “Ears To Ear Bible.”
Apan dili lamang kini ang sayop sa maong edition. Sa Hebrews 9:14, ang hustong pulong mao ang:
“...purge your conscience from dead works to serve the living God.”
Apan ang maong printing adunay:
“...purge your conscience from good works to serve the living God.”
Dinhi, ang “dead works” nahimong “good works.”
Mao nga ang usa ka pulong nga sayop sa pag-imprinta nakapausab pag-ayo sa kahulogan sa bersikulo.
16. “Wife-hater Bible” — 1810
Sa Luke 14:26, ang hustong teksto nag-ingon:
“...and hate not his father, and mother, and wife, and children...”
Apan sa usa ka 1810 printing, ang pulong nga “life” naimprinta isip “wife.”
Tungod niini, ang teksto nahimong adunay duha ka higayon nga gihisgutan ang wife, nga naghatag og absurdong kahulogan sa maong bersikulo.
Mao nga gitawag kini nga “Wife-hater Bible.”
17. “Large Family Bible” — 1820
Sa Isaiah 66:9, ang hustong porma mao:
“Shall I bring to the birth, and not cause to bring forth?”
Apan sa 1820 edition, nausab kini ngadto sa:
“Shall I bring to birth and not cease to bring forth?”
Tungod sa maong sayop nga pagkasulat, nailhan kini nga “Large Family Bible.”
18. “Rebecca's Camels Bible” — 1823
Sa Genesis 24:61, ang pulong nga angay mao ang “damsels”, nga nagtumong sa mga dalagang kauban ni Rebekah.
Apan sa usa ka 1823 printing, ang pulong nga “damsels” naimprinta isip “camels.”
Busa nahimo ang makalingaw nga pahayag:
“And Rebecca arose, and her camels...”
imbis nga ang hustong kahulogan mao nga si Rebekah ug ang iyang mga dalaga mibangon ug mipadayon sa ilang panaw.
Tungod niini, gitawag kini nga “Rebecca's Camels Bible.”
19. “Owl Bible” — 1944
Ang usa sa mas ulahing bantog nga typo makita sa 1 Peter 3:5.
Ang hustong pulong mao:
“...being in subjection unto their own husbands.”
Apan sa usa ka 1944 printing, ang “own” naimprinta isip “owl.”
Busa nahimo:
“...being in subjection unto their owl husbands.”
Ang hinungdan sa sayop mao ang nadaot nga letra “n” sa printing plate.
Tungod niini, gitawag kini nga “Owl Bible.”
0 comments: