I-click bisan asa aron mobukas
  • Socrates to Sartre and Beyond

     

     A History of Philosophy

    Samuel Enoch Stumpf & James Fieser

    1918


    Gusto ba nimong sugdan ang usa ka makaiikag nga pagbiyahe sa kasaysayan sa panghunahuna sa tawo—gikan sa karaang mga pilosopo sa Gresya hangtod sa mga mangingisip sa atong modernong panahon?


    Ang "Socrates to Sartre and Beyond: A History of Philosophy" nga gisulat ni Samuel Enoch Stumpf (ug gipadayon ni James Fieser), maoy usa sa labing giila, kompletong giya, ug dali sabton nga libro bahin sa kasaysayan sa pilosopiya. Naghatag kini ug tin-aw nga hulagway kon giunsa pagtubag sa mga dakong pilosopo ang labing dako ug pinakalawom nga mga pangutana bahin sa kinabuhi.


    Unsay Makuha Nimo Diri sa Libro?


    Gikan sa Karaan Hangtod sa Modernong Panahon: Naglangkob sa mga panghunahuna gikan sa panahon ni Socrates, Plato, ug Aristotle; sa Kristohanong pilosopiya nila ni St. Augustine ug St. Thomas Aquinas; hangtod sa existentialism ni Jean-Paul Sartre ug sa mga bag-ong sulog sa panghunahuna.


    Dali ug Klaro nga Pagpasabot: Gisulat kini sa paagi nga dili magpalibog, diin ang matag komplikadong ideya ug pilosopiya gipasabot pinaagi sa simple apan sustansyal nga mga pulong.


    Pagsumpay-sumpay sa mga Ideya: Makita nimo kon giunsa pagtinuod ug pagtubag sa matag henerasyon sa mga pilosopo ang mga ideya sa mga una nga nag-una kanila.


    Kini nga libro usa ka kinahanglanong pundasyon alang sa mga estudyante, magtutudlo, ug bisan kinsang tawo nga gustong magpalawom sa iyang kaalam ug pagsabot sa kinabuhi, sa kamatuoran, ug sa kalibutan.


    I-download ang Libreng Kopya (PDF)


    Aron makatabang sa imong personal nga pagtuon, gipaambit namo kini nga libre aron ma-download ug mabasa nimo bisan unsang oras.


    [ [ I-CLICK DIRI ARON I-DOWNLOAD ANG LIBRO ] ]


    Google Drive


0 comments:

Leave a Reply

Subscribe to: Post Comments (Atom)
Tulo ka hinungdanong pangutana nga dili nato matubag kon Biblia lamang ang atong saligan.

Una – Giunsa man nato paghibalo sa sakto nga ihap (canon) sa mga basahon sa Biblia? Sa wala pa himoa ang pagtapok sa mga basahon sa Bag-ong Tugon daghang mga basahon nga Kristohanon nga gipakaylap. Kinsa man ang nagpaila kanato sa 27 ka libro sa Bag-ong Tugon isip linamdagan? Walay lain kondili ang Simbahang Katoliko ubos sa paglamdag sa Espiritu Santo pinaagi sa Konsilyo sa Kartago sa tuig 397 AD human sa pag-aprobar sa Santo Papa mipakanaog sa mahukumon gayod ug alang sa tanang panahon kon unsang mga basahona ang maapil sa Biblia ug unsa ang dili. Ang unang mga sinulat dugay na nga nangahanaw. Ang ania kanato karon mao ang kopya sa kopya sa orihinal. Kinsa man ang nag-garantiya nga husto ug matinud-anon ang teksto sa kopya? Ang Simbahang Katoliko pinasikad sa iyang karaang Tradisyon, diha sa iyang panudlo ug sa iyang liturhiya masayod kon unsa ang matuod nga teksto ug unsa ang sayop.

Ikaduha - Giunsa man nato paghibalo nga sakto ang pagkahubad sanglit daghan kanato, ang atong gigamit nga Bibliang hubad “translation” gikan sa Hebreo, Griego, ug Aramaico? Aron pagpiho sa husto nga hubad sa atong kaugalingon kinahanglan pa nga magtuon kita sa orihinal nga pinulongan ug pipila man kanato ang makahimo niining malisod nga tahas? Sa makausa pa, kinahanglan nga mosandig kita sa autoridad sa Simbahan.

Ikatulo - Giunsa man nato pagsiguro nga husto ang atong pagsabot kun interpretasyon sa atong gibasa? Ang matag pastor nga tigtukod og bag-ong tinuhoan pulos gyod moangkon nga ang ilang sabot maoy husto apan wala silay panagkauyon kon unsa gyod ang gipasabot sa letra sa Kasulatan. Alang sa mga Katoliko ang dili masayop nga autoridad sa Simbahan nga tinukod ni Cristo ang maghatag kaniyag kasigurohan nga ang iyang nadawat mao ang lonsay nga pulong sa Dios nga walay sambog sa kasaypanan gumikan sa tawhanong panabot.
Ang Simbahan gihatagan ni Cristo sa bugtong katungod sa pagtudlo ug paghubad sa diosnong gipadayag nga nakarga sa Biblia nga mao ang diosnong gipadayag nga nasulat ug sa Tradisyon nga mao ang diosnong gipadayag nga wala na masulat ug nahipasa pinaagi sa binaba nga panudlo.

Ang Simbahan wala magkuha sa hingpit nga kasigurohan sa tanan nga gipadayag sa Dios gikan sa Biblia lamang kondili gikan sa duha ka tinubdan nga mao ang Biblia ug ang Tradisyon.

Ang Biblia ug ang Tradisyon angay nga hatagan sa samang pagtagad isip sudlanan sa pulong sa Dios. Ang katungod sa pagkadili-masayop sa pagpanudlo labot sa kinahanglan alang sa kaluwasan sa tawo wala isaad ni Cristo ngadto sa matag magbabasa sa Biblia kondili ngadto sa buhi nga autoridad sa Simbahan nga gitawag og “Magisterium” nga gilangkoban sa Sto. Papa ug sa tanang kaobispohan nga nahiusa sa Sto. Papa.
Ang Biblia naghisgot sa tulo ka matang sa tradisyon.

Una - sa mga Patriarca, “ug ang akong mga pulong nga gipasulti ko kaninyo, dili gayod mawala diha sa inyong baba ni sa baba sa inyong mga anak ug mga apo sukad karon ug hangtod sa kahangtoran” (Isa. 59:21).

Ikaduha - sa mga Apostoles, si San Pablo nag-awhag, “mga igsoon hupti ninyo nga malig-on ang mga pagtulon-an nga among gitudlo kaninyo pinaagi sa among mga sulat o sa among tradisyon” (2 Tes. 2:15) ug siya usab nagpahimangno, likayi ninyo kadtong dili modawat sa atong tradisyon” (2 Tes. 3:6).

Ikatulo - sa mga Judio, nga mao ang gisaway ni Cristo sa Mat. 15:2-6 tungod kay sila nagtudlo nga kon ang usa ka tawo may ikatabang unta sa iyang amahan o inahan, apan siya moingon, “iya kini sa Dios”, dili na kinahanglan nga tahoron niya ang iyang amahan.